-
ភ្នំពេញ៖រថយន្តដឹកដីបើកបុកហើយកិនពីលើអ្នកជិះម៉ូតូ បណ្តាលឱ្យស្លាប់នៅផ្លូវជាតិលេខ៤ កែងមហាវិថីឈ្នះឈ្នះ ក្នុងខណ្ឌពោធិ៍សែនជ័យម៉ោងជាង៨ព្រឹកថ្ងៃទី១៧ ខែកុម្ភៈ ។
សមត្ថកិច្ចបានឱ្យដឹងថា បុរសដែលស្លាប់គេមិនទាន់ស្គាល់អត្តសញ្ញាណនៅឡើយទេ។ចំណែកតៃកុងរថយន្តឈ្មោះ ដុក ផល្លា អាយុ២៩ឆ្នាំ ស្នាក់នៅសង្កាត់ឃ្មួញ ខណ្ឌសែនសុខ។មុនកើតហេតុជនរងគ្រោះជិះម៉ូតូម៉ាកគុបមូល តាមផ្លូវជាតិលេខ៤ ពីលិចទៅកើត។
ពេលនោះស្រាប់តែមានរថយន្ត បែនដឹកដីផ្លាកលេខភ្នំពេញ3C 7924 បើកតាមមហាវិថីឈ្នះឈ្នះ ពីជើងទៅត្បូងឆ្លងផ្លូវក៏បុកម៉ូតូរួចកិនអូសជាច្រើនម៉ែត្របណ្តាលឱ្យម្ចាស់ម៉ូតូជាប់ក្រោមរថយន្តបែកក្បាលស្លាប់។សមត្ថកិច្ចក៏ចាប់តៃកុងរថយន្តបានភ្លាមៗ យកទៅនគរបាលរាជធានីភ្នំពេញ ដើម្បីចាត់ការតាមច្បាប់៕ 
