បន្ទាយមានជ័យ៖សមត្ថកិច្ចចម្រុះបានចាប់ជ្រូកកណ្ដុរក្លាស្សេចំនួន១៦០ក្បាលដឹកចេញពីថៃនៅច្រករបៀងតាមរថយន្តមួយគ្រឿងហើយយកដុតកម្ទេចចោល។
មន្ត្រីក្នុងរង្វង់ប្រតិបត្តិការបានឱ្យដឹងថា កម្លាំងចម្រុះបានចាប់រថយន្ត១គ្រឿងដឹកជ្រូកកណ្ដុរក្លាស្សេចំនួន១៦០ក្បាលនាំចូលតាមច្រករបៀងចេញពីថៃ។ការចាប់រថយន្តនេះនៅភូមិខ្លែងពណ៌ ឃុំស្លក្រាម ស្រុកស្វាយចេក កាលពីរំលងអធ្រាត្រចូលថ្ងៃទី៥ខែវិច្ឆិការ ឆ្នាំ២០២១។
មន្ត្រីដដែលបានបន្តថា សមត្ថកិច្ច ឃាត់រថយន្ត១គ្រឿង និងចាប់អ្នកបើកបរឈ្មោះ យនសាម៉េត អាយុ ៣៧ឆ្នាំទីលំនៅ នៅភូមិស្រឡៅជ្រុំស្រុកសំពៅលូន ខេត្តបាត់ដំបង។ ក្រោយពីឃាត់រថយន្តហើយកម្លាំងចម្រុះឆែកឆេក្នុងរថយន្តរកឃើញជ្រូកក្លាស្សេចំនួន១៦០ក្បាល។
បន្ទាប់ពីពិនិត្យឃើញថា មិនមានលិខិតអនុញ្ញាតឱ្យដឹកជញ្ជូននិងជ្រូកមានក្លិនស្អុយទើបមន្ត្រីចម្រុះបានសម្រេចដុតកម្ទេចចោលតែម្តង។ចំណែកម្ចាស់និងរថយន្តផ្នែកជំនាញបានរៀបចំសំណុំរឿងបញ្ជូនបន្ត ៕
