ភ្នំពេញ៖ជនសង្ស័យម្នាក់ជិះម៉ូតូឆក់យកទូរសព្ទពីស្ត្រីម្នាក់ដាក់ក្នុងឃ្លុបក្រោមចង្កូតម៉ូតូកំពុងជិះ។តែត្រូវស្ត្រីជាម្ចាស់ជិះដេញតាមដល់មុខវត្តវាលស្បូវ សង្កាត់វាលស្បូវ ខណ្ឌច្បារអំពៅក៏មានសន្តិសុខយាមជួយស្ទាក់ចាប់កាលពីថ្ងៃទី២៨ ខែកញ្ញា។
ជនសង្ស័យឈ្មោះអុន ពេជ្រ ភេទប្រុស អាយុ២៩ឆ្នាំ មុខរបរសន្តិសុខឯកជន ស្នាក់នៅភូមិមិត្តភាព១ សង្កាត់ព្រែកឯង ខណ្ឌច្បារអំពៅ ។ចំណែកស្ត្រីរងគ្រោះ មិនស្គាល់អត្តសញ្ញាណ ។មុនកើតហេតុ ជនរងគ្រោះជិះម៉ូតូម៉ាក Suzuki Lets ទុកទូរសព្ទ ម៉ាក iPhone-១១ Pro Max ក្នុងឃ្លុបម៉ូតូក្រោមដៃចង្កូត ។ ជនសង្ស័យជិះម៉ូតូម៉ាក Suzuki Smash មកពីក្រោយអែបខាងស្តាំ ឆក់យកទូរសព្ទបានសម្រេចរួចជិះគេចខ្លួន។
ពេលនោះម្ចាស់ទូរសព្ទជិះតាមក្រោយស្រែកចោរៗ ត្រូវបានសន្តិសុខបុរីប៉េងហួត ជួយស្ទាក់ចាប់បានរួមនឹងទូរសព្ទផង៕
