ភ្នំពេញ៖រថយន្តទំនើបបុកជាមួយរថយន្តធុនធំពេញទំហឹងបណ្តាលឱ្យរងការខូចខាតធ្ងន់ធ្ងរនៅផ្លូវជាតិលេខ៤ក្នុងសង្កាត់ចោមចៅខណ្ឌពោធិ៍សែនជ័យកាលពីយប់ថ្ងៃទី១ ខែសីហា។
សាក្សីបានឱ្យដឹងថា មានបុរសម្នាក់បើករថយន្តស៊េរីទំនើបតាមបណ្ដោយផ្លូវជាតិលេខ៤ ក្នុងល្បឿនលឿន ស្រាប់តែមានរថយន្តធុនធំបើក ក្នុងទិសដៅបញ្ច្រាសគ្នាក៏បុកចំពីមុខពេញទំហឹង បណ្ដាលឱ្យរងការខូចខាតខ្ទេចផ្នែកខាងមុខធ្ងន់ធ្ងរដូចគ្នាឯអ្នកបើកបរទាំងសងខាងរងរបួសតិចតួច។
ក្រោយកើតហេតុភាគីទាំងពីរសម្របសម្រួលគ្នា មិនទាមទារសំណងរាល់ការខូចខាត សុខចិត្តហៅរថយន្តមកស្ទូចទៅជួសជុលរៀងខ្លួនហើយបញ្ចប់រឿងនៅនឹងកន្លែងកើតហេតុ៕
