ភ្នំពេញ៖ រថយន្តបើកឆ្លងផ្លូវត្រូវរថភ្លើងមកដល់ក៏បុករថយន្តនោះបណ្តាលឱ្យរងការខូចខាតផ្នែកខាងក្រោយរថយន្តតែមិនបណ្តាលឱ្យគ្រោះថ្នាក់ដល់មនុស្សទេ។ករណីនេះកើតឡើងនៅផ្លូវបេតុងភូមិសាមគ្គីក្នុងសង្កាត់ត្រពាំងក្រសាំងខណ្ឌពោធិ៍សែនជ័យកាលពីរសៀលថ្ងៃទី២៨ ខែឧសភា ឆ្នាំ២០២១។
សាក្សីបានឱ្យដឹងថា៖មាន រថយន្តកាមរីពាក់ផ្លាកលេខ ឆ ៥៨៣២ ភព២ធ្វើដំណើរឆ្លងកាត់ផ្លូវរថភ្លើង ពេលឆ្លងជិតផុត ស្រាប់តែផ្នែកខាងមុខមានការកកស្ទះចរាចរណ៍ទៅមុខលែងរួច។ ស្របពេលនោះរថភ្លើងក៏មកដល់ក៏ជ្រុលទៅបុកស្តុបរថយន្តផ្នែកខាងក្រោយ។
ក្រោយកើតហេតុសមត្ថកិច្ចមូលដ្ឋានបានចុះដល់ទីតាំងសម្រួលចរាចរណ៍កកស្ទះឱ្យភាគីទាំងសងខាងសម្របសម្រួលគ្នា ដោយភាគីទាំងសងខាងសម្រេចបញ្ចប់រឿងនៅកន្លែងកើតហេតុ ដោយគ្មានសំណង៕