ជិះម៉ូតូបុកគ្នា បណ្ដាលឱ្យប្រពន្ធចាងហ្វាងសារព័ត៌មាន ម្នាក់ស្លាប់

មណ្ឌលគិរី៖ម៉ូតូនិងម៉ូតួបុកគ្នាបណ្តាលឱ្យប្រពន្ធចាងហ្វាងសារព័ត៌មាន “KDN”ម្នាក់បានស្លាប់ពេលបញ្ជូនដល់មន្ទីរពេទ្យ។ហេតុការណ៍នេះបានកើតឡើងនៅមុខច្រកចូលផ្សារកែវសីមាក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរីកាលពីថ្ងៃទី១៦ខែឧសភាឆ្នាំ២០២១។
លោកផេង សាវួន នាយប៉ុស្តិ៍នគរបាលរដ្ឋបាលឃុំស្រែខ្ទុមឱ្យដឹងថា៖ ស្ត្រីរងគ្រោះឈ្មោះស្រីចិនស្រីមុំ អាយុ៥៧ឆ្នាំ នៅភូមិឡាប៉ាខេ ឃុំស្រែខ្ទុម ស្រុកកែវសីមា ជាប្រពន្ធលោកឃិនសុខន ចាងហ្វាងសារព័ត៌មានKDN ជិះម៉ូតូបុកគ្នា ពេលឆ្លងផ្លូវចូលទិញម្ហូបហើយបានស្លាប់ពេលបញ្ជូនទៅមន្ទីរពេទ្យ។
លោក នាយប៉ុស្តិ៍បានបន្តថា៖ ភាគីទាំងម្ខាងទៀតឈ្មោះ តឹក ទី ភេទប្រុស អាយុ ៤១ឆ្នាំនៅភូមិស្រែសោមថ្មី ឃុំកំពាន់ ស្រុកមេមត់ ខេត្តត្បូងឃ្មុំ បើកបរម៉ូតូម៉ាកស៊ុយហ្ស៊ុយគីវីវ៉ាពាក់ផ្លាកលេខ ភ្នំពេញ 1GH.1685 ។វត្ថុតាងម៉ូតូទាំង២គ្រឿងត្រូវបានយកមករក្សាទុកបណ្ដោះអាសន្ននៅអធិការដ្ឋាននគរបាលស្រុកកែវសីមា ដើម្បីបន្តនីតិវិធី៕