ត្បូងឃ្មុំ៖បុរសម្នាក់ជិះម៉ូតូឌុបគ្នា២នាក់បានបុកគោកំពុងដើរឆ្លងផ្លូវដួលខ្ទាតចូលក្រោមរថយន្តកិនស្លាប់២នាក់និងរបួសធ្ងន់ម្នាក់។ហេតុការណ៍នេះបានកើតឡើងនៅលើផ្លូវជាតិលេខ៧ស្ថិតក្នុងភូមិពណ្ណរាយសង្កាត់សួងក្រុងសួងខេត្តត្បូងឃ្មុំកាលពីព្រឹកថ្ងៃទី៣១ខែមីនាឆ្នាំ២០២១។
មន្ត្រីមូលដ្ឋានបានឱ្យដឹងថា៖គ្រោះថ្នាក់ចរាចរណ៍នេះគឺមានម៉ូតូ១គ្រឿងម៉ាកវ៉េវគ្មានផ្លាកលេខ បើកបរដោយបុរសឈ្មោះឌុមម៉ៅអាយុ៤៧ឆ្នាំរស់នៅភូមិពោធ៍ទីឃុំពោធ៍ទីស្រុកស៊ីធរកណ្តាល ខេត្តព្រៃវែងអ្នករូមដំណើរ២នាក់។ម៉ូតូបានបុកគោ១ក្បាលកំពុងដើរឆ្លងផ្លូវបណ្តាលឱ្យដួលខ្ទាតមនុស្សពីរនាក់ជិះខាងក្រោយចូលក្រោមរថយន្តធំកិនស្លាប់២នាក់និងរបួសធ្ងន់ម្នាក់។
ជនរងគ្រោះឈ្មោះយីម.នាន ភេទស្រីអាយុ៦៥ឆ្នាំរស់នៅភូមិពោធ៍ទីឃុំពោធ៍ទី ស្រុកស៊ីធរកណ្តាលខេត្តព្រៃវែងស្លាប់,ឈ្មោះភ្នួកភ្នងអាយុ១៣ឆ្នាំនៅភូមិជាមួយគ្នាស្លាប់ត្រូវជាចៅរបស់សព។ចំណែកឈ្មោះឌុងម៉ៅអ្នកបើកម៉ូតូបានរងរបួសធ្ងន់។ក្រោយពេលកើតហេតុរួចរថយន្តបើកគេចខ្លួនបាត់ជនរងគ្រោះបានដឹកបញ្ជូនទៅកាន់មន្ទីរពេទ្យដើម្បីជួយសង្រ្គោះបន្ទាន់៕
