បុរសម្នាក់បើកម៉ូតូបុកក្បាលថ្មចែកផ្លូវបណ្ដាលឱ្យដួលបោកក្បាលស្លាប់

ភ្នំពេញ៖បុរសម្នាក់បើកម៉ូតូក្នុងល្បឿនលឿនជ្រុលទៅបុកក្បាលថ្មចែកផ្លូវបណ្ដាលឱ្យដួលបោកក្បាលស្លាប់នៅតាមបណ្ដោយផ្លូវ២៧១កែង៤៨០ សង្កាត់បឹងទំពុនទី១ ខណ្ឌមានជ័យ កាលពីយប់ថ្ងៃទី៩ ខែមីនា ឆ្នាំ២០២១។
សមត្ថកិច្ចបានឱ្យដឹងថា៖ជនរងគ្រោះឈ្មោះ នួន ឆវ័ន ភេទប្រុស អាយុ ២៨ឆ្នាំ បានស្លាប់មុខរបរ លក់រថយន្តបើកបរម៉ូតូម៉ាក ស្កុបពី ពណ៌ស ស៊េរីឆ្នាំ២០២១ ពាក់ផ្លាកលេខ ភ្នំពេញ1IO-7953 ស្នាក់នៅផ្ទះលេខ២៩ផ្លូវសុធារស សង្កាត់ទន្លេបាសាក់ ខណ្ឌចម្ការមន ។
ក្រោយពេលកើតហេតុសមត្ថកិច្ច ចុះដល់ទីតាំងវាស់វែងយកវត្ថុតាងទៅរក្សាទុក នៅអធិការដ្ឋាននគរបាលខណ្ឌមានជ័យ ដើម្បីរង់ចាំប្រគល់ជូនក្រុមគ្រួសារ មកទទួលនិងយកសព ៕