កំពង់ឆ្នាំង៖កម្លាំងនគបាលស្រុកកំពង់ត្រឡាច បានឃាត់ខ្លួនជនសង្ស័យប្រុសស្រី៥នាក់ ពាក់ព័ន្ធការជួញដូរ ចែកចាយ និងប្រើប្រាស់គ្រឿងញៀន។ការឃាត់ខ្លួននៅក្នុងភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំងកាលពីថ្ងៃទី២២ ខែកញ្ញា ឆ្នាំ២០២០។
មន្ត្រីនគរបាល ស្រុកកំពង់ត្រឡាច បានឱ្យដឹងថាៈ ការឃាត់ខ្លួនជនសង្ស័យប្រុសស្រី ទាំង៥នាក់ រូមមានៈ១.ឈ្មោះ ឃឹម វុតធ្ធី អាយុ២៤ឆ្នាំ, ២.ឈ្មោះ ផុន ឡា អាយុ១៧ឆ្នាំ, ៣.ឈ្មោះ ភី សុលី អាយុ១៧ឆ្នាំ។ទាំងបីនាក់នេះនៅភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ជាមួយគ្នា។ ៤.ឈ្មោះ យន រិន ភេទស្រីអាយុ១៨ឆ្នាំនិង៥. ឈ្មោះ ចយ ធារី ភេទស្រីអាយុ១៩ឆ្នាំ រស់នៅភូមិរលាំង ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង។
សមត្ថកិច្ច បានដកហូតវត្ថុតាង រួមមាន ម្សៅក្រាមពណ៌សថ្លា សង្ស័យជាសារធាតុញៀន ១ កញ្ចប់ ទូរស័ព្ទដៃ ១ គ្រឿង និងឧបករណ៍សម្រាប់វេចខ្ចប់ ថ្នាំញៀនមួយចំនួន។បច្ចុប្បន្ន ជនសង្ស័យប្រុសស្រីទាំង៥នាក់ រួមទាំងវត្ថុតាង បានត្រូវសមត្ថកិច្ច បញ្ជូនទៅកាន់ការិយាល័យជំនាញ នៃស្នងការដ្ឋាននគបាល ខេត្តកំពង់ឆ្នាំង ចាត់ការទៅតាមនីតិវិធី ៕