ឈរទប់សសរដែកឱ្យមេជាងឡើងផ្សារោងសត្វព្រាបឆ្លងចរន្តអគ្គិសនីឆក់ស្លាប់
បាត់ដំបង៖បុរសម្នាក់បានឈរទប់សសរដែកឱ្យមេជាងឡើងផ្សារោងសត្វព្រាបលើដំបូលផ្ទះស្រាប់តែឆ្លងចរន្តអគ្គិសនីបណ្តាលឱ្យឆក់ស្លាប់។ករណីនេះបានកើតឡើងនៅចំណុចក្រុមទី៧ភូមិដូងឃុំបឹងរាំងស្រុកកំរៀងខេត្តបាត់ដំបងកាលពីព្រឹកថ្ងៃទី១៨ខែមិថុនាឆ្នាំ២០២០។
មន្ត្រីនគរបាលស្រុកកំរៀងបានឱ្យដឹងថាបុរសដែលស្លាប់មានឈ្មោះវ៉ៅភួតអាយុ១៦ឆ្នាំ។ចំណែកម្ចាស់ផ្ទះឈ្មោះស៊ុសេងហួរភេទប្រុសអាយុ៤៥ឆ្នាំនៅក្រុមទី៧ភូមិដូងឃុំ បឹងរាំងស្រុក កំរៀង។ ឈ្មោះ ស៊ុ សេងហួរមុខរបរជាងម៉ូតូត្រូវជាមេជាង។សមត្ថកិច្ចជំនាញបានចុះទៅពិនិត្យនិងធ្វើកោសល្យវិច័យលើជនរងគ្រោះ។បច្ចុប្បន្នសពត្រូវបានសមត្ថកិច្ចប្រគល់ឱ្យក្រុមគ្រួសារយកទៅធ្វើបុណ្យ៕
