ភ្នំពេញ៖លោក វរសេនីយ៏ឯក ជឹម ស៊ីថា អធិការនគរបាលខណ្ឌដង្កោកាលពីថ្ងៃទី២២ខែកញ្ញាឆ្នាំ២០២០បានឱ្យដឹងថាកម្លាំងនគរបាលប៉ុស្តិ៍រដ្ឋបាលសង្កាត់ព្រៃវែងសហការណ៍ជាមួយកម្លាំងជំនាញនគរបាលព្រហ្មទណ្ឌខណ្ឌដង្កោបានស្រាវជ្រាវជ្រាវនិងឃាត់ខ្លួនជនសង្ស័យម្នាក់ ។
ការឃាត់ខ្លួននៅផ្លូវបេតុងភូមិព្រៃវែងខាងកើតសង្កាត់ព្រៃវែងខណ្ឌដង្កោក្រោយពេលជនសង្ស័យបានយកដប់សាំងគប់ចូលផ្ទះលោកឧត្តមសេនីយ៏ផ្កាយ៣ម្នាក់នៅសង្កាត់ព្រៃវែង។បន្ទាប់ពីម្ចាស់ផ្ទះបានដាក់ពាក្យបណ្តឹងរួចមកសមត្ថកិច្ចបានកំណត់មុខសញ្ញានិងឃាត់ខ្លួនជនសង្ស័យបានភ្លាមៗ។ជនសង្ស័យដែលឃាត់ខ្លួននេះមានឈ្មោះជួបភារុំភេទប្រុសអាយុ៤២ឆ្នាំស្នាក់នៅម្តុំចំណុចឃាត់ខ្លួន។
បច្ចុប្បន្នជនសង្ស័យត្រូវបញ្ជូនមកឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោដើម្បីកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់៕
