បាត់ដំបង៖នគរបាលព្រហ្មទណ្ឌកម្រិតធ្ងន់ខេត្តបានបញ្ជូនស្ត្រីម្នាក់ទៅតុលាការពីបទជួញដូរគ្រឿងញៀនកាលពីព្រឹកថ្ងៃទី២០ខែមិថុនាឆ្នាំ២០២០។ជនសង្ស័យរូបនេះត្រូវកម្លាំងឃាត់ខ្លួនបាននៅចំណុចក្រុមទី១៦ភូមិវត្តរំដួលសង្កាត់ចម្ការសំរោងក្រុងបាត់ដំបងកាលពីរសៀលថ្ងៃទី១៩ខែមិថុនាឆ្នាំ២០២០។
មន្ត្រីនគរបាលព្រហ្មទណ្ឌកម្រិតធ្ងន់ខេត្តបានឱ្យដឹងថាជនសង្ស័យមានឈ្មោះម៉ាន់សុម៉ាលីហៅលីលីភេទស្រីអាយុ៣៩ឆ្នាំនៅភូមិសង្កាត់ខាងលើ។មន្ត្រីដដែលបានឱ្យដឹងទៀតថាការចាប់ខ្លួនជនសង្ស័យរូបនេះគឺអនុវត្តតាមដីកាបង្គាប់ឱ្យចាប់ខ្លួនចោទប្រកាន់ពីបទជូញដូរនូវសារធាតុញៀនប្រព្រឹត្តនៅក្រុមទី៣០ភូមិកំពង់ក្របីសង្កាត់ស្វាយប៉ោក្រុងនិងខេត្តបាត់ដំបងកាលពីថ្ងៃទី២៧ខែមេសាឆ្នាំ២០២០៕
