ត្បូងឃ្មុំ ៖ នៅរសៀល ថ្ងៃទី២១ ខែធ្នូ ឆ្នាំ២០២០ វេលាម៉ោង១៤និង៣០នាទី ដោយមានការបញ្ជាផ្ទាល់ពីលោកឧត្តមសេនីយ៍ទោ បែន រ័ត្ន ស្នងការ នៃស្នងការដ្ឋាននគរបាលខេត្តត្បូងឃ្មុំ កម្លាំងជំនាញនគរបាលព្រហ្មទណ្ឌខេត្ត សហការ ជាមួយកម្លាំងជំនាញស្រុកតំបែរ បានចុះបង្ក្រាបកន្លែងលួចលាក់លេងល្បែងស៊ីសងខុសច្បាប់មួយកន្លែង(ជល់មាន់អាប៉ោង) នៅចំណុចចំការកៅស៊ូក្នុងភូមិគោកស្រុក ឃុំគោកស្រុក ស្រុកតំបែរ ខេត្តត្បួងឃ្មុំ ។
ក្នុងពេលចុះប្រតិបត្តិការ អ្នកលេងរត់គេចខ្លួនបាត់អស់ ដោយបានបន្សល់ទុកវត្ថុតាងរួមមាន ៖ - ម៉ូតូចំនួនចំនួន២២គ្រឿង, - មាន់ចំនួន១០ក្បាល ក្នុងនោះមាន់ងាប់ចំនួន៥ក្បាល, - តុនិងហាន់តោចំនួន០១, - ចានអាប៉ោចំនួន០១ឈុត, - កន្ត្រក់ដាក់មាន់ចំនួន១០, - ជញ្ជីងថ្លឹងមាន់ចំនួន០១ ។
ក្រោយពីបានដកវត្ថុតាងខាងលើរួច កម្លាំងជំនាញនគរបាលព្រហ្មទណ្ឌខេត្តត្បូងឃ្មុំ បន្តធ្វើការស្រាវជ្រាវរកមុខសញ្ញាតាមនី វិធីច្បាប់ ៕
