ភ្នំពេញ៖តាមមន្ត្រីតុលាការបានថ្លែងប្រាប់បណ្តាញព័ត៌មានឱ្យដឹងថាៈកាលពីរសៀលថ្ងៃទី២៤ខែធ្នូឆ្នាំ២០២០លោកកីម៉ានេរ៉ាចៅក្រមស៊ើបសួរសាលាដំបូងរាជធានីភ្នំពេញបានសម្រេចចេញដីកាបង្គាប់ឱ្យឃុំខ្លួនក្រុមខ្មាន់កាំភ្លើងដែលបាញ់សម្លាប់ម្ចាស់លុយ។ករណីនេះបានកើតឡើងនៅភូមិទួលកីសង្កាត់ភ្លើងឆេះរទេះខណ្ឌកំបូលរាជធានីភ្នំពេញកាលពីថ្ងៃទី១៧ ខែធ្នូ ឆ្នាំ២០២០កន្លងទៅគឺពួកគេបានជំពាក់លុយជនរងគ្រោះប្រមាណ៣០ម៉ឺនដុល្លារ។ខ្មាន់កាំភ្លើងនិងបក្ខពួកត្រូវយកទៅដាក់ពន្ធនាគារព្រៃសរដើម្បីរង់ចាំការជំនុំជម្រះទោសតាមនីតិវិធី។ មន្ត្រីដដែលបានបន្តថាៈជនសង្ស័យទាំងពីរនោះឈ្មោះសុខហេងសំបូរអាយុ៣០ឆ្នាំជាអ្នកបាញ់និងឈ្មោះផេងស៊ីថុលអាយុ៤០ឆ្នាំជាម្ចាស់កាំភ្លើង។ការសម្រេចឃុំខ្លួនជនត្រូវចោទទាំងពីរនាក់នេះធ្វើឡើងបន្ទាប់ពីតំណាងអយ្យការលោកឡុងជាបបានចោទពួកគេពីបទឃាតកម្មដោយគិតទុកជាមុន។កាន់កាប់អាវុធខុសច្បាប់និងបទចោទមួយទៀតគឺសមគំនិតតាមបញ្ញត្តិមាត្រា២០០មាត្រា៤៩០និងមាត្រា២៩នៃក្រមព្រហ្មទណ្ឌ៕ស
