ខេត្តសៀមរាប៖រថយន្តធំ១គ្រឿងបានបើកបុកម៉ូតូពីក្រោយហើយបន្តទៅបុករថយន្តតូច២គ្រឿងទៀត បណ្តាលឱ្យមានអ្នករងរបួស៧នាក់។ហេតុការណ៍នេះបានកើតឡើងលើដងផ្លូវជាតិលេខ៦ត្រង់ចំណុចចន្លោះគឺឡូម៉ែត្រលេខ៣៥៣.៣៥៤ស្ថិតក្នុងភូមិគោកចាស់ឃុំស្រណាលស្រុកក្រឡាញ់ខេត្តសៀមរាបកាលពីម៉ោងជាង៥ទៀបភ្លឺថ្ងៃទី២៥ខែធ្នូឆ្នាំ២០២០។
មន្ត្រីអាវុធហត្ថស្រុកក្រឡាញ់បានឱ្យដឹងថា៖ហេតុការណ៍គ្រោះថ្នាក់ចរាចរណ៍នេះបង្កឡើងដោយរថយន្តធំម៉ាកហ៊ីយ៉ាន់ដាយពាក់ផ្លាកលេខតាកៃវ៣A.២៩២៦អ្នកបើកបរមិនស្គាល់អត្តសញ្ញាណ។រថយន្តនេះបានបុកម៉ូតូពីក្រោយម៉ាកហុងដាឌ្រីមពណ៌ខ្មៅពាក់ផ្លាកលេខភ្នំពេញ១FZ.១៧៨៦បើកបរដោយ ឈ្មោះ ហុំគិមស៊ីនភេទស្រីអាយុ៣៣ឆ្នាំនៅភូមិផ្លាំងឃុំព្រៃជ្រូកស្រុកពួកខេត្តសៀមរាប។
ប្រភពដដែលបានបន្តថា៖ក្រោយបុកម៉ូតូហើយក៏បានជ្រុលទៅបុកពីក្រោយរថយន្ត១គ្រឿងទៀតម៉ាក ហៃលុចរីវ៉ូដែលកំពុងឈប់នៅចិញ្ចើមផ្លូវខាងស្ដាំបែរពាក់ផ្លាកលេខភ្នំពេញ២AC.១៤១៦។ម្ចាស់រថយន្តឈ្មោះឡមសុផលភេទប្រុសអាយុ៤៥ឆ្នាំរស់នៅភូមិជប់ឃុំជប់វ៉ារីស្រុកព្រះនេត្រព្រះខេត្តបន្ទាយមានជ័យ។
ប្រភពបានបន្តថាៈពេលបុករថយន្តចតស្ងៀមហើយរថយន្តធំបានរេចង្កូតទៅឆ្វេងដៃបុកប៉ះជាមួយរថយន្តmasdaមួយគ្រឿងទៀតពណ៌សពាក់ផ្លាកលេខភ្នំពេញ២.BT.២៩៨៨។អ្នកបើកបរដោយឈ្មោះឡឹកស៊ីនួនភេទប្រុសអាយុ៤៥ឆ្នាំរស់នៅភូមិគ្រួសសង្កាត់ស្វាយដង្គំក្រុងសៀមរាបដែលមានអ្នករួមដំណើរ៤នាក់។
ជនរងគ្រោះទី១ឈ្មោះសុខម៉េងស៊ឹមភេទប្រុស៤៦ឆ្នាំរស់នៅភូមិស្លក្រាមសង្កាត់ស្លក្រាមក្រុងសៀមរាប។ ទី២ ឈ្មោះយេន សាំងសានុត ភេទប្រុស អាយុ៣៩ឆ្នាំ។៣ ឈ្មោះកង គឹមហាក់ ភេទប្រុសអាយុ ៤៦ឆ្នាំ,ទី៤ឈ្មោះសមសែនអាយុ៤៦ឆ្នាំអ្នកទាំង៣រស់នៅភូមិគ្រួសសង្កាត់ស្វាយដង្គំក្រុងសៀមរាប។ក្រោយពេលកើតហេតុអ្នកបើកបររថយន្តធំបានចុះរត់គេចខ្លួនបាត់។
បន្ទាប់ពីសមត្ថកិច្ចវាស់វែងរថយន្តស៊ីរ៉ែន៦១០បានដឹកជូនជនរងគ្រោះទៅកាន់មន្ទីពេទ្យ។ចំណែកវត្ថុតាងម៉ូតូ១គ្រឿងនិងរថយន្ត៣គ្រឿងយកទៅរក្សាទុកនៅអធិការស្រុករង់ចាំដោះស្រាយ។មូលហេតុគ្រោះថ្នាក់បណ្តាលមកពី អ្នកបើកបររថយន្តធុនធំ បើកបរមានល្បឿនលឿន៕សហការី
