ខេត្តព្រះវិហារ៖ជនសង្ស័យចំនួន១៤នាក់ដែលពាក់ព័ន្ធនិងករណីជួញដូរប្រើប្រាស់គ្រឿងញៀនត្រូវកម្លាំងនគរបាលខេត្តព្រះវិហារបញ្ជូនទៅតុលាការកាលពីរសៀលថ្ងៃទី២០ខែធ្នូឆ្នាំ២០២០ដើម្បីចាត់ការទៅតាមនីតិវិធីច្បាប់។
លោកឧត្តមសេនីយ៍ត្រីយ៍ឆយបូរិនស្នងការរងនិងជានាយសេនាធិការនៃស្នងការដ្ឋាននគរបាលខេត្តព្រះវិហារបានឱ្យដឹងថាៈជនសង្ស័យចំនួន១៤នាក់ដែលពាក់ព័ន្ធករណីជួញដូរប្រើប្រាស់គ្រឿងញៀនបានបញ្ជូនទៅតុលាការហើយ។
លោកឧត្តមសេនីយ៍ត្រីបានបន្តថាៈដោយអនុវត្តន៍តាមបទបញ្ជារនិងការណែនាំពីលោកឧត្តមសេនីយ៍ទោសួសសុខដារ៉ាស្នងការនគរបាលខេត្តព្រះវិហារកម្លាំងនគរបាលប្រឆាំងគ្រឿងញៀនខេត្តបានសហការជាមួយនគរបាលក្រុងព្រះវិហារនិងនគរបាលស្រុកគូលែន។សមត្ថកិច្ចបានបង្ក្រាបករណីជួញដូរនិងប្រើប្រាស់គ្រឿងញៀនរយៈពេល២ថ្ងៃជាប់គ្នា។ជាលទ្ធផលបានឃាត់ខ្លួនជនសង្ស័យចំនួន១៤នាក់និងសម្ភារមួយចំនួន៕សហការី
