ភ្នំពេញ៖ជនសង្ស័យម្នាក់ក្រោយពីឆក់ខ្សែកពីស្ត្រីម្នាក់បានសម្រេចក្រោយមកក៏បានជិះម៉ូតូរត់គេចខ្លួនតែជនសង្ស័យរូបនេះភ័យក៏បើកម៉ូតូជ្រុលទៅបុកនិងម៉ូតូអ្នកធ្វើដំណើរតាមផ្លូវបណ្ដាលឱ្យដួល ក៏ត្រូវសមត្ថកិច្ចឃាត់ខ្លួនបាន។ករណីនេះបានកើតឡើងសង្កាត់ទួលស្វាយព្រៃទី២ខណ្ឌបឹងកេងកងកាលពីព្រឹក ថ្ងៃទី១០ខែវិច្ឆិកាឆ្នាំ២០២០។
សមត្ថកិច្ចបានឱ្យដឹងថាជនសង្ស័យឈ្មោះ ចាន់ រង្សីហៅរង្សីភេទប្រុសអាយុ២៧ឆ្នាំជនជាតិខ្មែរមុខរបរ ដឹកទំនិញអនឡាញប្រើប្រាស់នូវសារធាតុញៀនស្នាក់នៅផ្ទះលេខ២៦ ផ្លូវ២១៨សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។ ចំណែកឯជនរងគ្រោះឈ្មោះ ច្រឹង លាងអ៊ីភេទស្រី អាយុ ២៧ឆ្នាំ ស្នាក់នៅផ្ទះជួល ភូមិពោធិញៀន ខណ្ឌមានជ័យ រាជធានីភ្នំពេញ។
វត្ថុតាងចាប់យករួមមាន៖ ម៉ូតូ មួយគ្រឿង ម៉ាកស្កុបពី ពណ៌ខ្មៅ ពាក់ផ្លាកលេខ ភ្នំពេញ 1IL-1681 (ជាមធ្យោបាយធ្វើសកម្មភាពរបស់ជនសង្ស័យ), ទូរស័ព្ទ មួយគ្រឿង ម៉ាក oppo ពណ៌ស្វាយ, ខ្សែករលោហធាតុពណ៌លឿងទុំបន្តោងគ្រប់មូលចំនួនមួយខ្សែជារបស់ជនរងគ្រោះដែលដកហូតពីជនសង្ស័យ ហើយបានប្រគល់ឱ្យជនរងគ្រោះវិញ ។
បច្ចុប្បន្នជនសង្ស័យរួមនិងវត្ថុតាងត្រូវកម្លាំងសមត្ថកិច្ចបញ្ជូនខ្លួនទៅកាន់អធិការដ្ឋាននគរបាលខណ្ឌបឹងកេងកង ដើម្បីធ្វើការសាកសួរបន្ដ និងចាត់ការតាមនីតិវិធីច្បាប់៕សហការី
