កំពង់ឆ្នាំង៖រថយន្តធំ-រថយន្តដឹកកម្មករជាមួយរថយន្តព្រូស បានជួបគ្រោះថ្នាក់ចររាណ៍បណ្តាលឱ្យរងការខួចខាត និងមនុស្សចំនួន៦នាក់បានរងរបួស។ហេតុការណ៍នេះបានកើតឡើងនៅតាមផ្លូវជាតិលេខ៥ ស្ថិតក្នុងភូមិអូរូង ឃុំឈូកស ស្រុកកំពង់ត្រឡាច ខេត្តកំពង់ឆ្នាំង កាលពីថ្ងៃទី២៨ ខែសីហាឆ្នាំ២០២៣។
មន្ត្រីនគរបាលបានឱ្យដឹងថា មុនកើតហេតុរថយន្តម៉ាកហីណូផ្លាកលេខភ្នំពេញ 5A-2974 បើកពីត្បូងទៅជើង។មកដល់កន្លែងខាងលើក៏បត់ត្រឡប់ក្រោយ។ពេលនោះមានរថយន្តម៉ាក់ហ៊ីយ៉ាន់ដាយផ្លាកលេខកំពង់ឆ្នាំង3A-1535 បើកបរដោយបុរសឈ្មោះ អ៊ូ ណេង អាយុ៦២ឆ្នាំ ដឹកកម្មករចំនួន៦៨នាក់ក៏បុករថយន្តកំពុងបត់នោះពេញទំហឹងតែម្តង។
គ្រាននោះដែររថយន្តដឹកកម្មករក៏ជ្រុលទៅបុករថយន្តម៉ាកតូយូតាព្រូស ផ្លាកលេខភ្នំពេញ 2BT-1706 បើកបរដោយឈ្មោះ ង៉ែត សាវ៉េត អាយុ៣៣ឆ្នាំ។ករណីគ្រោះថ្នាក់ចរាចរណ៍នេះ បណ្ដាលឱ្យកម្មករចំនួន៦នាក់រងរបួសនិងខូចខាតរថយន្តទាំង៣គ្រឿង។ភ្លាមៗជនរងគ្រោះត្រូវបានដឹកទៅមន្ទីរពេទ្យដើម្បីសង្គ្រោះបន្ទាន់។
ក្រោយពីមានហេតុការណ៍តៃកុងរថយន្តធំបានរត់គេចខ្លួនបាត់បន្សលតែរថយន្ត។បន្ទាប់មកកម្លាំងនគរបាលបានចុះពិនិត្យ ហើយបានយករថយន្តទាំង៣គ្រឿងទៅទុកនៅផ្នែកចរាចរណ៍ដើម្បីរង់ចាំដោះស្រាយពេលក្រោយ៕
