ស្វាយរៀង៖រថយន្តទំនើបមួយគ្រឿងពេលកំពុងបើកបរត្រូវភ្លើងបានឆាបឆេះអស់គ្មានសល់មិនអាចមានការជួយសង្រ្កោះទាន់ពេលវេលា។
ហេតុការណ៍នះបានកើតឡើង នៅត្រង់ខ្លោងទ្វារតំបន់សេដ្ឋកិច្ចពិសេសឈីលូ ស្ថិតក្នុងភូមិស្វាយតឿ ខេត្តស្វាយរៀង កាលពីយប់ថ្ងៃទី២ ខែមីនា។សមត្ថកិច្ចក្រុងស្វាយរៀងបានឱ្យដឹងថា ម្ចាស់រថយន្តឈ្មោះ ជុំ រក្សា អាយុ ៣៧ឆ្នាំជាអាជីវករ ស្នាក់នៅក្នុងភូមិស្វាយតឿ ក្រុងស្វាយរៀង។ចំណែករថយន្តដែលរងការឆាបឆេះម៉ាកGRAND CARNIVAL ផ្លាកលេខភ្នំពេញ 2AL.2417 បានខូចខាត ទាំងស្រុង។
មុនកើតហេតុរថយន្តនោះកំពុងបើកបរលើផ្លូវម្តុំខ្លោងទ្វារតំបន់សេដ្ឋកិច្ចពិសេសឈីលូ ក៏ស្រាប់តែមានផ្សែងហ៊ុយហើយមានភ្លើងឆាបឆេះសន្ធោសន្ធៅតែម្តង។ករណីនេះគេបានសន្និដ្ឋានថា មូលហេតុអាចបណ្តាលមកពីឆ្លងប្រព័ន្ធភ្លើង។
ពេលនោះសន្តិសុខប្រចាំការនៅតំបន់សេដ្ឋកិច្ចពិសេសឈីលូ បានរាយការណ៍បន្តថា មានភ្លើងឆេះរថយន្ត។ក្រោយមកកម្លាំងជំនាញអគ្គិភ័យក្រុងបានចុះដល់កន្លែងកើតហេតុ ហើយបានបាញ់ទឹកពន្លត់។ប៉ុន្តែរថយន្តបានខូចខាតអស់ទាំងស្រុង៕
