ព័ត៌មានសន្តិសុខសង្គម

ជនសង្ស័យ០៤នាក់ ត្រូវ អាវុធហត្តរាជធានីភ្នំពេញ ឃាត់ខ្លួនបញ្ជូនទៅតុលាការ ជាបន្តបន្ទាប់ពាក់ព័ន្ធករណីគ្រឿងញៀន និងលួចកាច់កម៉ូតូ

 

ជនសង្ស័យ​ ឈ្មោះ​ សុខ​ ពៅ​ ភេទ​ប្រុស​ អាយុ​ ២៧ឆ្នាំ​ មុខរបរ​ លក់​ក្ដា​ពុម្ព​ ស្នាក់នៅ​ភូមិ​កាកាប​ សង្កាត់​កាកាប​ ខណ្ឌ​ពោធិ៍​សែនជ័យ​ ត្រូវបានកម្លាំងមូលដ្ឋានអាវុធហត្ថខណ្ឌ​សែនសុខ​ បាន​សហការ​ជាមួយកម្លាំងជំនាញការិយាល័យប្រឆាំងបទល្មើសព្រហ្មទណ្ឌ អាវុធហត្ថរាជធានីភ្នំពេញ ឃាត់​ខ្លួន កាលពីវេលាម៉ោង​ ២២:៣០​នាទី​ ថ្ងៃ​ទី​១៧​ ខែមករា ឆ្នាំ២០២៣​ នៅចំណុចភូមិតាងួន១ សង្កាត់កាកាប១ ខណ្ឌពោធិ៍សែនជយ័ ពាក់ព័ន្ធករណីលួចកាច់កម៉ូតូ​ ០១គ្រឿង​ ម៉ាក​ ស៊ុយ​ស៊ូ​គីនិច​ ពណ៌​ ស.ក្រហម​ ពាក់​ស្លាក​លេខ​ ភ្នំពេញ​ 1IK-4472​ ប្រព្រឹត្ត​កាល​ពី​​ថ្ងៃ​ទី០៩ ខែមករា ឆ្នាំ២០២៣​ នៅ​ចំណុច​ក្នុង​បុរីមហា​សែន​សុខ​ វិមាន​ទ្រង់​ សង្កាត់ក្រាំង​ធ្នង់​ ខណ្ឌ​សែនសុខ។ ដោយចាប់យកវត្ថុតាង ម៉ូតូ០១គ្រឿង ម៉ាក C125 ពណ៌ខ្មៅ ហើយជនសង្ស័យ បានយកស្លាកលេខរបស់ជនរងគ្រោះខាងលើ មកបំពាក់លើម៉ូតូខ្លួនដើម្បីបំភ័ន្តភ្នែកសមត្ថកិច្ចទៀតផង។ និងបន្តស្រាវជ្រាវឃាត់បានបក្ខពួកម្នាក់ទៀត ឈ្មោះ​ ឡូ​ រតនា​ ភេទ ប្រុស​ អាយុ​ ៣៣ឆ្នាំ​ មុខរបរ​មិន​ពិត​ប្រាកដ​ ​ កាលពីវេលា​ម៉ោង​ ៩:៣០​នាទី​ ថ្ងៃ​ទី​១៨ ខែមករា ឆ្នាំ២០២៣​ នៅ​ចំណុច​ ភូមិ​វិមាន​ទ្រង់​ សង្កាត់​ក្រាំង​ធ្នង់​ ខណ្ឌ​សែនសុខ។ ចាប់យកវត្ថុតាង ម៉ូតូ​ស៊ុយ​ស៊ូ​គីនិច​ ពណ៌ស​ ពាក់ស្លាកលេខ ភ្នំពេញ 1BW-8808 ។

ចំណែកឯជនសង្ស័យឈ្មោះ កែវ សម្បត្តិ ភេទ ប្រុស អាយុ ៣៨ ឆ្នាំ មុខរបរ មិនពិតប្រាកដ បច្ចុប្បន្នស្នាក់នៅភូមិ អង្គ សង្កាត់ ចោមចៅ៣ ខណ្ឌពោធិ៍សែនជ័យ ត្រូវបានកម្លាំងមូលដ្ឋានអាវុធហត្ថខណ្ឌកំបូល ឃាត់ខ្លួន កាលពីថ្ងៃទី១៨ ខែ មករា ឆ្នាំ២០២៣ នៅចំណុចផ្លូវរថភ្លើង ស្ថិតនៅភូមិកន្ទោកជើង សង្កាត់កន្ទោក ខណ្ឌកំបូល និងបន្តឃាត់ខ្លួនជនសង្ស័យម្នាក់ទៀត ឈ្មោះ យឿន វឌ្ឍនះ ភេទ ប្រុស អាយុ ៣០ឆ្នាំ បច្ចុប្បន្នស្នាក់នៅភូមិ អង្គ សង្កាត់ចោមចៅ៣ ខណ្ឌពោធិ៍សែនជ័យ (ធ្លាប់ជាប់ពន្ធនាគារចំនួន០៣ដង) ពាក់ព័ន្ធករណីជួញដូរ និងប្រើប្រាស់នូវសារធាតុញៀនដោយខុសច្បាប់ ដោយចាប់យកវត្ថុតាង ក្រាមសថ្លាចំនួន០៣កញ្ចប់។

ជនសង្ស័យទាំង០៤នាក់ខាងលើ ត្រូវបានកម្លាំងជំនាញ អាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕

pla

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *