កំពង់ធំ៖សមត្ថកិច្ចកំពុងតាមចាប់តៃកុងរថយន្តបែនដឹកដីបើកបុកអ្នកជិះម៉ូតូបណ្តាលឱ្យស្ត្រី២នាក់ស្លាប់ភ្លាមៗដើម្បីយកមកផ្តន្ទាទោសតាមច្បាប់។
មន្ត្រីអាជ្ញាធរមូលដ្ឋានបានឱ្យដឹងនៅថ្ងៃទី២ ខែមករានេះថា គ្រោះថ្នាក់ចរាចរណ៍ដ៏រន្ធត់នេះបានកើតឡើងនៅភូមិដូងឃុំដូង ស្រុកប្រសាទបល្ល័ង្កខេត្តកំពង់ធំកាលពីរសៀលថ្ងៃទី១ ខែមករា។ មុនកើតហេតុគេឃើញរថយន្តដឹកដីបើកពីជើងទៅត្បូងក្នុងល្បឿនលឿន។មកដល់ផ្លូវកោងក៏ជ្រុលបុកស្ត្រីជិះម៉ូតូ២នាក់កៀបជាប់ក្រោមរថយន្តអូសចូលក្នុងរបងផ្ទះគេបណ្តាលឱ្យស្លាប់ទាំង២នាក់យ៉ាងអាណោចអាធ័ម។
ស្ត្រីរងគ្រោះឈ្មោះយឿនជ្រែង អាយុ៤២ឆ្នាំនៅភូមិទួលតាឯក ឃុំដូងស្រុកប្រាសាទបល្ល័ង្កនិងស្ត្រីវ័យ៤២ឆ្នាំដូចគ្នារស់នៅភូមិឃុំជាមួយគ្នា។ចំណែករថយន្តបង្កហេតុម៉ាកហ៊ីហិនដាយផ្លាកលេខភ្នំពេញ3A.5192 តៃកុងបានរត់គេចខ្លួនបាត់។ក្រោយកើតហេតុសមត្ថកិច្ចបានចុះយករថយន្តនិងម៉ូតូទៅរក្សានៅអធិការដ្ឋាននគរបាលស្រុកដើម្បីស្វែងរកចាប់ជនបង្កយកមកអនុវត្តតាមច្បាប់៕
