បាត់ដំបង៖ នៅព្រឹកថ្ងៃអង្គារ ១៣កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៦ខែធ្នូ ឆ្នាំ២០២២ លោក ឧត្តមសេនីយ៍ទោសាត គឹមសាន ស្នងការនគរបាលខេត្តបាត់ដំបង អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកមោងឫស្សី និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំរបស់មង្គល ព្រមទាំងហសការី អញ្ជេីញចូលរួមគោរពវិញ្ញាណក្ខន្ធ និងចូលរួមរំលែកទុក្ខយ៉ាងក្រៀមក្រំចំពោះក្រុមគ្រួសារសពលោក ណម ណេម សមាជិកក្រុមប្រឹក្សាឃុំរបស់មង្គល ជំទប់ទី១ និងជាអនុប្រធានគណៈកម្មាធិការគណបក្សប្រជាជនកម្ពុជាឃុំរបស់មង្គល ដែលលោកបានទទួលមរណភាព កាលពីថ្ងៃទី៤ ខែធ្នូ ឆ្នាំ២០២២ វេលាម៉ោង ១៦និង៣០នាទី ក្នុងជន្មាយុ៦៨ឆ្នាំ ដោយរោគាពាធ ហើយពិធីបុណ្យសពកំពុងប្រារព្វធ្វើនៅគេហដ្ឋាននៃសពស្ថិត នៅភូមិកូនក្អែក២ ឃុំរបស់មង្គល ស្រុកមោងឫស្សី ខេត្តបាត់ដំបង។
ជាមួយនឹងការចូលរួមនេះ លោកឧត្តមសេនីយ៍ស្នងការបាននាំយកថវិការបស់ ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនៃស្នងការដ្ឋាននគរបាលរាជធានីភ្នំពេញ ចំនួន២,០០០,០០០ រៀល(ពីរលានរៀល)ព្រមទាំងថវិការបស់ផ្ទាល់របស់លោកស្នងការនិងលោកស្រី ឈឺ មុយឆេង រួមជាមួយថវិកាដែលបានពីការចូលរួមរបស់កងកម្លាំងនគរបាលចំណុះស្នងការដ្ឋានសរុបចំនួន១១,៨៧០,០០០រៀល(ដប់មួយលានប្រាំបីរយចិតសិបប្រាំពីរពាន់រៀល)និង៤០ដុល្លារ(សែសិបដុល្លារសហរដ្ឋអាមេរិក) បានប្រគល់ជូនក្រុមគ្រួសារសពដើម្បីបានចាត់ចែងប្រើប្រាស់ក្នុងពិធីបុណ្យនេះ។
តាំងនាមក្រុមគ្រួសារសពនិងតាំងនាមក្រុមប្រឹក្សាឃុំរបស់មង្គល លោក ទូច ហឹម ប្រធានក្រុមបហរឹក្សាឃុំ និងជាប្រធានគណៈកម្មាធិការគណបក្សឃុំរបស់មង្គល បានគោរពថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្តដ៏ថ្លៃថ្លារបស់ឯកឧត្តម សថេត អគ្គស្នងការរងនិងជាស្នងការនៃស្នងកាដ្ឋាននគរបាលរាជធានីភ្នំពេញ ព្រមទាំងលោក ស្នងការនគបាលខេត្តបាត់ដំបង និងលោកស្រីព្រមទាំងកងកម្លាំងនគរបាលទាំងអស់ដែលលះបង់ពេលវេលានិងថវិកាចូលរួមក្នុងកម្មវិធីបុណ្យដេីម្បីបានជួយសម្រាលដល់ការចំណាយក្នុងពិធីបុណ្យនេះនិងសូមគោរពជូនពរដល់ឯកឧត្តម លោកជំទាវ លោក លោកស្រីជាកងកម្លាំងនគរបាលទាំងអស់ទទួលបាននូវសុខភាពល្អបរិបូរណ៌ជោគជ័យគ្រប់ភារកិច្ច៕
