បាត់ដំបង៖ កាលពីថ្ងៃសុក្រ២កេីតខែមិគសិរឆ្នាំខាលចត្វាស័កព.ស.២៥៦៦ត្រូវនឹងថ្ងៃទី២៥ខែ វិច្ឆិកាឆ្នាំ ២០២២វេលាម៉ោង២១និង៥០នាទីនៅចំណុច ភូមិបឹងរុនឃុំសំឡូត ស្រុកសំឡូត ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកឧត្តមសេនីយ៍ត្រី កុយ ហៀង ហៀងស្នងការរងផែនការងារប្រឆាំងគ្រឿង លោកវរសេនីយ៍ទោ ម៉ែន រីម អធិការនគរបាលស្រុកសំឡូត បានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុក បង្ក្រាបករណី រក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្ដែង និងឃាត់ខ្លួនជនសង្ស័យបានចំនួន ០២នាក់ មានឈ្មោះទៀង រី ភេទប្រុស អាយុ ២១ឆ្នាំ រស់នៅភូមិបឹងរុន ឃុំសំឡូត ស្រុកសំឡូត ខេត្តបាត់ដំបង (អ្នករក្សាទុក)និងឈ្មោះ ឃុត ណា ភេទប្រុស អាយុ២៤ឆ្នាំ រស់នៅភូមិ បឹងរុន ឃុំសំឡូត ស្រុកសំឡូត ខេត្តបាត់ដំបង ។
-*វត្ថុតាងចាប់យករួមមាន៖
– ម្សៅក្រាមពណ៌សថ្លាច្រកក្នុងកូនថង់ប្លាស្ទិកពណ៌សថ្លា ចំនួន ០១ថង់ ទម្ងន់០,២០ក្រាម(ទាំងសំបកសង្ស័យមានសារធាតុញៀន ។
– ម៉ូតូម៉ាកហុងដាឌ្រីមចំនួន ០១គ្រឿងពណ៌ខ្មៅ ស៊េរីឆ្នាំ2013 ដែលមានលេខតួ-ម៉ាស៊ីន ND125ME- 8846806ពាក់ស្លាកលេខ បន្ទាយមានជ័យ 1I-0817 ។
ឆ្លងតាមចម្លើយសារភាពរបស់ជនសង្ស័យ ឈ្មោះ ទៀង រី និងដោយបានការអនុញ្ញាតពីឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង សមត្ថកិច្ចបានបន្តកិច្ចប្រតិបត្តិការ ចាប់ឃាត់ខ្លួនជនសង្ស័យបានចំនួន ០១នាក់ថែមទៀត នៅថ្ងៃទី២៦វិច្ឆិកាឆ្នាំ២០២២ វេលាម៉ោង៨និង៣០នាទី នៅចំណុចក្រុមទី០៣ ភូមិកន្ទួត ឃុំសំឡូត ស្រុកសំឡូត ខេត្តបាត់ដំបង ដែលជនសង្ស័យឈ្មោះ សំ ភាព ភេទប្រុស អាយុ ៣៣ឆ្នាំ មានទីលំនៅភូមិកន្ទួត ឃុំសំឡូត ស្រុកសំឡូត ខេត្តបាត់ដំបង និងចាប់យកវត្ថុតាងមាន៖
-ម្សៅក្រាមពណ៍សថ្លាច្រកក្នុងកូនថង់ប្លាស្ទិចកពណ៌សថ្លា ចំនួន ០៨ ថង់ ទម្ងន់ ២៧.៧៨ក្រាម(ទាំងសំបក) សង្ស័យមានសារធាតុញៀន។
-សម្ភារៈសម្រាប់ប្រើប្រាស់ថ្នាំញៀនមួយចំនួន ។
បច្ចុប្បន្នជនសង្ស័យខាងលើនិងវត្ថុតាងនគរបាលស្រុកកំពុងរៀបចំសំណុំរឿង បញ្ជូនមកការិយាល័យជំនាញនៃស្នងការដ្ឋាននគរបាលខេត្តបាត់ដំបងចាត់ការតាមផ្លូវច្បាប់៕
