កំពង់ឆ្នាំង៖រថយន្តធំបើកបុកជាមួយម៉ូតូបណ្តាលឱ្យបុរសម្នាក់ស្លាប់និងម្នាក់ទៀតរងបួសធ្ងន់ហើយតៃកុងបើករត់ជាច្រើនគីឡូម៉េត្រត្រូវសមត្ថកិច្ចតាមចាប់បានទាំងរថយន្តនិងតៃកុង។
គ្រោះថ្នាក់ចរាចរណ៍ដ៏រន្ធត់នេះបានកើតឡើងលើផ្លូវជាតិលេខ ៥មុខធនាគារព្រីនស៍ ស្ថិងក្នុងភូមិឡទឹកត្រី សង្កាត់កំពង់ឆ្នាំង ខេត្តកំពង់ឆ្នាំងកាលពីយប់ថ្ងៃទី១៦ ខែតុលា។
មន្ត្រីនគរបាលបានឱ្យដឹងថា ជនរងគ្រោះដែលបាត់បង់ជីវិតឈ្មោះ លាវ សុខចាន់រិទ្ធ អាយុ ២០ឆ្នាំនៅភូមិប្រស្នឹប ឃុំប្រស្នឹប ស្រុករលាប្អៀរ ខេត្តកំពង់ឆ្នាំង។ជាអ្នកបើកម៉ូតូ ហុងដាឌ្រីមផ្លាកលេខកំពង់ឆ្នាំង1J.12.26 និងអ្នករួមដំណើរឈ្មោះ ជៀន គង់ អាយុ២២ឆ្នាំនៅភូមិឃុំជាមួយគ្នារងរបួសធ្ងន់ ។
ចំណែកតៃកុងរថយន្តមិនទាន់ស្គាល់អត្តសញ្ញាណព្រោះក្រោយពីកើតហេតុបានបើករត់រហូត ចម្ងាយប្រមាណជិត៤០ គីឡូម៉ែត្រទើបកម្លាំងនគរបាលចាប់បានទាំងរថយន្តនិង អ្នកបើកបរ។សមត្ថកិច្ចបានយកទៅរក្សាទុកដើម្បីចាត់ការបន្តតាមនីតិវិធី ៕
