បុរសម្នាក់ឡើងបាញ់វីស សំយាបផ្ទះ ប៉ះចរន្តភ្លើង ត្រូវបានឆក់ស្លាប់

ស្វាយរៀង៖បុរសជាងផ្សាដែកម្នាក់ឡើងបាញ់វីសសំយាបផ្ទះប៉ះខ្សែភ្លើងត្រូវចរន្តឆក់ស្លាប់នៅភូមិស៊ីកា ស្រុកស្វាយជ្រំ ខេត្តស្វាយរៀងកាលពីល្ងាចថ្ងៃទី៧ ខែសីហា។
មន្ត្រីនគរបាលស្រុកបានឱ្យដឹងថា បុរសដែលស្លាប់ឈ្មោះសំរិតសុផល អាយុ៤១ឆ្នាំជាជាងផ្សារដែក រស់នៅភូមិឃុំខាងលើ។មុនកើតហេតុបុរសរងគ្រោះបានមកផ្សាដែកដូចសព្វដងនៅផ្ទះអ្នកភូមិម្នាក់។ក្រោយមកបុរសនោះឡើងបាញ់វីសសំយាបផ្ទះហើយទំនងប៉ះខ្សែភ្លើងក៏ត្រូវឆក់បណ្តាលឱ្យស្លាប់តែម្តង។
បន្ទាប់កើតហេតុសមត្ថកិច្ចជំនាញបានទៅពិនិត្យសពឃើញថាពិតជាស្លាប់ដោយត្រូវខ្សែភ្លើងឆក់ប្រាកដមែនដោយសារជនរងគ្រោះមិនបានប្រុងប្រយ័ត្នពេលឡើងបាញ់វីស៕