សៀមរាប៖ រថយន្តដឹកដំឡូងមី១គ្រឿង បានក្រឡាប់ផ្ងារជើងង បណ្តាលឱ្យដំឡូង១រថយន្ត ចាក់ចោលពេញផ្លូវ កាលពីវេលាម៉ោង ៣និង២០នាទី រសៀល ថ្ងៃទី២២ ខែសីហា ឆ្នាំ២០២០ នេះ ស្ថិតនៅបណ្តោយផ្លូវហាយវេ ក្នុងភូមិត្រាច ឃុំបល្ល័ង្ក ស្រុកប្រាសាទបាគង ខេត្តសៀមរាប។
នគរបាលចរាចរណ៍ ស្រុកប្រាសាទបាគង បាននិយាយ នៅល្ងាចថ្ងៃទី២២ សីហា នេះថាៈ អ្នកបើកបរ រថយន្តដឹកដំឡូនោះ ឈ្មោះ សែម ពិសិដ្ឋ អាយុ២០ឆ្នាំនៅភូមិថ្នល់បែកឃុំស្វាយទាបស្រុកចម្ការលើ ខេត្តកំពង់ចាម។នគរបាល បាននិយាយទៀតថា រថយន្ត បានបើកបរ ក្នុងគោលបំណង ដឹកទៅកាន់ខេត្តកំពង់ចាម ហើយបានក្រឡាប់នៅលើផ្លូវហាយវេ ខាងលើ ដោយខ្លួនឯង តែគ្រោះថ្នាក់នោះ មិនបណ្តាលឱ្យប៉ះពាល់ ឬរងគ្រោះនរណានោះឡើយ៕
