ខេត្តពោធិ៍សាត់៖បុរសម្នាក់ត្រូវចរន្តភ្លើងអគ្គិសនីឆក់បណ្តាលឱ្យស្លាប់ក្នុងស្រែខណៈដែលជនរងគ្រោះកំពុងរាយខ្សែភ្លើងឆក់ត្រីក្បែរផ្ទះរបស់ខ្លួន។ហេតុការណ៍បានកើតឡើងនៅភូមិបំណក់ឃុំ ឈើតុំស្រុកក្រគរខេត្តពោធិ៍សាត់កាលពីយប់ថ្ងៃទី១៧ខែតុលាឆ្នាំ២០២០។
មន្ត្រីនគបាលស្រុកក្រគរបានឱ្យដឹងនៅថ្ងៃទី១៩ខែតុលាឆ្នាំ២០២០នេះថាៈជនរងគ្រោះឈ្មោះកែវគួនភេទប្រុសអាយុ៣១ឆ្នាំ។ប្រពន្ធឈ្មោះអុលសុម៉ាជនជាតិខ្មែរនៅក្នុងភូមិបំណក់ឃុំឈើតុំស្រុកក្រគរខេត្តពោធិ៍សាត់។តាមការបំភ្លឺរបស់ប្រពន្ធជនរងគ្រោះបានឱ្យដឹងថាៈកាលពីថ្ងៃទី១៧ខែតុលាឆ្នាំ២០២០វេលាម៉ោង៨យប់ប្តីរបស់គាត់បានទៅឆ្លុះកង្កែប។តែបាត់ពេញបាត់ពេញមួយយប់មិនឃើញមកផ្ទះវិសោះមិនដឹងមូលហេតុ ។
នៅ ថ្ងៃទី១៨ខែតុលាឆ្នាំ២០២០ប្រពន្ធជនរងគ្រោះស្រាប់តែ មើលឃើញ ប្ដី គាត់ស្លាប់ នៅក្នុងទឹកស្រែបាត់ទៅហើយ។ប្រពន្ធជនរងគ្រោះបានបន្តថាកាលពីរបីថ្ងៃមុនប្ដីរបស់គាត់បានយកខ្សែភ្លើងនៅផ្ទះបាយរាយឆក់ត្រីនៅកន្លែងកើតហេតុម្តងហើយ។សពជនរងគ្រោះត្រូវបានប្រគល់ជូនក្រុមគ្រួសារដើម្បីដើម្បីនាំយកទៅធ្វើបុណ្យតាមប្រពៃណីផងដែរ៕សហការី
