ភ្នំពេញ៖លោកសំលាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារថ្លែងនៅក្នុងសន្និសីទសារព័ត៌មានស្ដីពី«វឌ្ឍនភាពនិងទិសដៅការងារបន្ដរបស់រដ្ឋបាលខេត្តព្រះវិហារ»នៅទីស្ដីការគណៈរដ្ឋមន្ត្រីកាលពីព្រឹកថ្ងៃទី២៦ខែឧសភាឆ្នាំ២០២០។លោកបានបង្ហាញអំពីការរីកចម្រើនលើវិស័យផ្លូវថ្នល់នៅទូទាំងខេត្តតំបន់ព្រំដែនមួយនេះមានការអភិវឌ្ឍជាបន្ដបន្ទាប់ពីមួយថ្ងៃទៅមួយថ្ងៃ។
លោកសំលាងទ្រីបានអះអាងថា៖ជាយុទ្ធសាស្ដ្រនាពេលបច្ចុប្បន្នមន្ទីរសាធារណការនិងដឹកជញ្ជូនខេត្តព្រះវិហារគ្រប់គ្រងផ្លូវថ្នល់ក្នុងខេត្ដទាំងអស់ប្រវែង៨០០គីឡូម៉ែត្រ។ក្នុងនោះមានប្រមាណ៤០០គីឡូម៉ែត្រជាផ្លូវកៅស៊ូ(ផ្លូវជាតិនិងផ្លូវខេត្ត)។លោកប្រធានបានបន្តថា៖មន្ទីរសាធារណការខេត្តបានអភិវឌ្ឍន៍ផ្លូវពីចាក់កៅស៊ូDBSTទៅជាផ្លូវប្រភេទACខណៈផ្លូវមួយចំនួនក្នុងទីរួមខេត្តអភិវឌ្ឍន៍ពីផ្លូវកៅស៊ូទៅជាផ្លូវចាក់បេតុងសរសៃដែកនិងមានលូអមសង្ខាងផ្លូវជាដើម។
លោកសំលាងទ្រីបានគូសបញ្ជាក់ថា៖ខេត្តនឹងអភិវឌ្ឍន៍ផ្លូវក្រាលគ្រួសក្រហមទៅជាផ្លូវក្រាលកៅស៊ូហើយផ្លូវក្រាលកៅស៊ូដែលហួសអាយុកាលគឺត្រូវពង្រឹងទៅជាផ្លូវបេតុងសរសៃដែកឬផ្លូវចាក់កៅស៊ូAC។ដោយឡែកផ្លូវដែលនៅសេសសល់ទាំងប៉ុន្មានខេត្តនឹងធ្វើការថែទាំជួសជុលជាប្រចាំដោយមិនឱ្យមានក្រឡុកសំបុកមាន់ទេ។
លោកសំលាងទ្រីបានសង្កត់ធ្ងន់ថា៖ក្នុងខេត្តព្រះវិហារផ្លូវថ្នល់ដែលគ្រប់គ្រងដោយមន្ទីរសាធារណការនិងដឹកជញ្ជូនគឺរហូតមកដល់ពេលបច្ចុប្បន្ននេះមិនមានក្រឡុកសំបុកមាន់ទៀតនោះទេ។បើទោះបីផ្លូវខ្លះមិនស្អាតដូចផ្លូវស្ថាបនាថ្មីក៏ដោយ។លោកបញ្ជាក់ទៀតថា៖មន្ទីរសាធារណការមានក្រុមការងារចំនួន៦ក្រុម កំពុងធ្វើសកម្មភាពនៅតាមដងផ្លូវដើម្បីពិនិត្យនិងជួសជុលលើករណីនេះ៕
