ភ្នំពេញ៖រោងចក្រផលិតបារីនៃក្រុមហ៊ុនចិនមួយកន្លែងគ្មានច្បាប់អនុញ្ញាត យីហោ BPA ដែលមានទីតាំងស្ថិតនៅផ្លូវបេតុង ភូមិអង្គសង្កាត់ចោមចៅ៣ ខណ្ឌពោធិសែនជ័យ ។កម្លាំងលេខាធិការដ្ឋាននៃគណៈកម្មាធិការប្រយុទ្ធប្រឆាំងផលិតក្លែងក្លាយ ក្រសួងមហាផ្ទៃ រួមជាមួយកម្លាំងមូលដ្ឋានអាជ្ញាធរមូលដ្ឋានចុះទៅបង្ក្រាបដកហូតបានជាច្រើនកេសឃាត់ទាំងថៅកែម្ចាស់ក្រុមហ៊ុន កាលពីរសៀលថ្ងៃទី១១ ខែសីហា ឆ្នាំ២០២០។
ក្នុងប្រតិបត្តិការចុះបង្ក្រាបរោងចក្រផលិតបារីគ្មានច្បាប់ខាងលើលេខាធិការដ្ឋាននៃគណៈកម្មាធិការប្រយុទ្ធប្រឆាំងផលិតក្លែងក្លាយ ក្រសួងមហាផ្ទៃ កម្លាំងសមត្ថកិច្ចមូលដ្ឋាន អាជ្ញាធរមូលដ្ឋាន ក្រោមការសម្របសម្រួលពីលោក សាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញ ។
តាមសមត្ថកិច្ចបានឱ្យដឹងថា ទីតាំងក្រុមហ៊ុនខាងលើ ផលិតបារីចិន ច្រើនម៉ាក យីហោ អស់រយៈពេលជាង២ឆ្នាំមកហើយមានកម្មករបម្រើការងារជាង១០០នាក់ហើយ។ក្រោយពីសមត្ថកិច្ចជំនាញអង្គភាពពាក់ព័ន្ធធ្វើការស្រាវជ្រាវរកឃើញថាការផលិតបារីរបស់ក្រុមហ៊ុនមួយនេះគ្មានច្បាប់អនុញ្ញាតពីក្រសួងពាណិជ្ជកម្ម រកឃើញជនជាតិចិនចំនួន១៤នាក់ ជនជាតិវៀតណាមចំនួន៣នាក់ ស្នាក់នៅ និងធ្វើការងារអត់ច្បាប់ នោះសមត្ថកិច្ចឃាត់ខ្លួន ។
ដោយឡែកកម្មករជាជនជាតិខ្មែរជាង១០០នាក់ត្រូវបានសមត្ថកិច្ចសហការជាមួយក្រសួងការងារស្រង់ឈ្មោះដើម្បីរៀបចំបើកប្រាក់ខែហើយមិនអាចបន្តការងារនៅទីនោះបានទៀតទេ។ព្រោះថារោងចក្រត្រូវបានសម្រេចផ្អាកការងារលែងឱ្យដំណើរការទៀតហើយ ៕
