ភ្នំពេញ៖កម្លាំងនគរបាលខណ្ឌឬស្សីកែវបានចាប់ជនសង្ស័យម្នាក់បន្ទាប់ពីលួចសម្ភារម៉ាស៊ីនភ្លើងក្នុងឃ្លាំងនៅភូមិស្វាយប៉ាក ខណ្ឌឫស្សីកែវកាលពីយប់ថ្ងៃទី៣០ ខែមករា។
សមត្ថកិច្ចបានឱ្យដឹងថា ម្ចាស់សម្ភារឈ្មោះប៉ៃ ធារ៉ា ភេទប្រុស អាយុ២៥ ឆ្នាំនៅ ភូមិទួលមាស ឃុំអរិយក្សត្រ ខេត្តកណ្ដាល មុខរបរលក់ដូរ។ជនសង្ស័យឈ្មោះអន សិលា អាយុ២៥ឆ្នាំស្នាក់នៅផ្ទះជួល សង្កាត់ច្រាំងចំរេះ១ មានសារធាតុញៀន។
សម្ភារដកហូត -ទូរសព្ទដៃម៉ាកសាំសុងមួយគ្រឿង-ពូថៅមួយដើម-កូនសោទីប២ដើម-ទួឡឺវីស-២ដើម។ចំណែកសម្ភារបាត់បង់-បំពុងស៊ីម៉ាំងម៉ាស៊ីនភ្លើងចំនួនមួយដើម។
មន្ត្រីដដែលបានបន្តថា នៅថ្ងៃកើតហេតុម្ចាស់បានចូលមើលឃ្លាំងដែលទុកចោលគ្មានអ្នកចាំ ហើយបានឃើញជនសង្ស័យកំពុងធ្វើសកម្មភាពដោះយកបំពង់ស៊ីម៉ាំងម៉ាស៊ីនភ្លើងក៏បានឃាត់ខ្លួនយកឱ្យសមត្ថកិច្ចប៉ុស្តិ៍ដើម្បីចាត់ការតាមនីតិវិធី៕
