ស្លាប់២នាក់របួសធ្ងនម្នាក់ដោយសារម៉ូតូបើកបុកគ្នា
ស្ទឹងត្រែង៖មនុស្សពីរនាក់បានស្លាប់និងរបួសធ្ងន់ម្នាក់មូលហេតុម៉ូតូបុកគ្នានៅភូមិបាដើម ស្រុកសេសាន ខេត្តស្ទឹងត្រែងកាលពីយប់ថ្ងៃទី២៤ ខែវិច្ឆិកា។
នគរបាលស្រុកសេសានបានឱ្យថា នៅយប់ថ្ងៃទី២៤ ខែវិច្ឆិកាមានគ្រោះថ្នាក់ចរាចរណ៍ រវាងម៉ូតូបុកម៉ូតូបណ្ដាលឱ្យបុរស២នាក់បានស្លាប់និងរងរបួសធ្ងន់ម្នាក់។អ្នកស្លាប់ឈ្មោះថុត គី អាយុ២២ឆ្នាំនៅភូមិកំភុន បើកបរម៉ូតូម៉ាកអ៊ិចស៊ិនធ័របុកជាមួយម៉ូតូសង់ការ៉េ អ្នកបើកឈ្មោះហាន ស៊ូវណ្ណី អាយុ៣៥ឆ្នាំ នៅភូមិបាដើម ស្រុកសេសានខេត្តស្ទឹងត្រែងបានស្លាប់។
ក្នុងនោះក៏មានអ្នករួមដំណើរម្នាក់ឈ្មោះឡម ទី រងរបួសធ្ងន់ត្រូវបានដឹកយកទៅសង្គ្រោះនៅមន្ទីរពេទ្យខេត្តស្ទឹងត្រែង។មូលហេតុម៉ូតូទាំង២គ្រឿងបើកបរក្នុងល្បឿនលឿន មិនគោរពច្បាប់ចរាចរណ៍ហើយម៉ូតូទាំង២គ្រឿងខូចខាតស្ទើរទាំងស្រុង៕
