ព័ត៌មានសន្តិសុខសង្គម

សមត្ថកិច្ចនគរបាលការព្រំដែន បង្រ្កាបបានថ្នាំញៀន១០ការ៉ុងស្មើនឹង១៧០ដុំ នៅលើទូក តាមខ្សែបន្ទាត់ព្រំដែនកម្ពុជា-ឡាវ

 

(ខេត្តស្ទឹងត្រែង)៖ នៅម៉ោងប្រហែល៧យប់​ ថ្ងៃទី​២៤​ ខែវិច្ឆិការ​ ឆ្នាំ២០២១​ កម្លាំងនគរបាលការពារព្រំដែនកម្ពុជា-ឡាវ​ បានរឹបអូសថ្នាំញៀនបានចំនួន១០ការ៉ុង​ ស្មើនិងចំនួន១៧០ដុំ​ នៅលើទូក ត្រង់ចំណុចកោះល្ង​ ឃុំព្រះរំកិល​ ស្រុកបុរីអូរស្វាយសែនជ័យ​ ខេត្តស្ទឹងត្រែង​។

ដែលក្រុមបក្សពួកជួញដូរថ្នាំញៀន យកចេញពីកោះស្តាំ​ ស្រុកមឿងខូង​ ប្រទេសឡាវ បម្រុងឆ្លងដែនចូលមកកម្ពុជាយើង។ នេះបេីតាមការឱ្យដឹងពីមន្ត្រីនគរបាលការពារព្រំដែន កម្ពុជា ឡាវនៅព្រឹកថ្ងៃទី២៥​ ខែវិច្ឆិការ ឆ្នាំ២០២១នេះ។

សមត្ថកិច្ចបន្តថា​ ករណីប្រតិបត្តិការខាងលេី​ឃាត់ខ្លួនជនល្មេីសពុំបានទេ​ ដោយពួកគេបានដឹងខ្លួនមុន រត់គេចចូលព្រៃ​បាត់អស់​ ដោយបន្សល់ទុកតែទូក និងថ្នាំញៀនតែប៉ុណ្ណោះ។

បច្ចុប្បន្នគ្រឿងញៀនទាំងនោះ ត្រូវបានយកមករក្សាទុក នៅស្នងការនគរបាលខេត្ត​ស្ទឹងត្រែង ដេីម្បីចាត់ការបន្តតាមនីតិវិធី និងបើកកញ្ចប់ថ្នាំញៀនទាំងនេះ ក្រោមការពិនិត្យនិងសម្របសម្រួល ពីព្រះរាជអាជ្ញាអមសាលាដំបូងខេត្តស្ទឹងត្រែង នៅរសៀលថ្ងៃនេះ៕

pla

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *