ភ្នំពេញ៖កម្លាំងនគរបាលខណ្ឌកំបូលបានចាប់ចោរចំនួន២នាក់ពីបទកាច់សោម៉ូតូនៅរសៀលថ្ងៃទី២៤ ខែសីហាពេលម្ចាស់ដាក់ទុកនៅមុខបន្ទប់ជួល។
ជនសង័្សយពីរនាក់ ជិះម៉ូតូមួយគ្រឿងម៉ាក ហុងដាបានលួចម៉ូតូរបស់ជនរងគ្រោះ ដោយប្រើឧបករណ៍ដែកកាច់អក្សរT ហើយជិះចេញពីកន្លែងកើតហេតុ។ កម្លាំងនគរបាលប៉ុស្តិ៍រដ្ឋបាលកំបូលបានដេញតាមចាប់ជនសង្ស័យបាន២នាក់ ។
ពួកគេឈ្មោះ ម៉ី ដាវង្ស អាយុ ៣២ឆ្នាំ និងឈ្មោះ ស៊ឹម សុភាព អាយុ ៤៥ឆ្នាំទាំងពីរនាក់នៅ សង្កាត់ចោមចៅទី៣ ខណ្ឌពោធិ៍សែនជ័យ មានសារធាតុញៀន។សម្ភារដកហូត-ម៉ូតូហុងដាសេ១២៥ របស់ជនរងគ្រោះ-ផ្លាកលេខម៉ូតូ៥សន្លឹក និងគ្រឿងបន្លាស់មួយចំនួន។
បច្ចុប្បន្នជនសង្ស័យនិងវត្ថុតាងនគរបាលបានកសាងសំណុំរឿងនឹងបញ្ជូនទៅតុលាការ ចាត់ការតាមច្បាប់ ៕
