ភ្នំពេញ៖នារីម្នាក់មានវិបត្តិផ្លូវចិត្តដោយមានកាន់ដបស្រាផឹកផងដើរឡើងលើស្ពាននិងលោតទឹកតែត្រូវអ្នកនេសាទជួយសង្គ្រោះទាន់។ករណីនេះនៅលើស្ពានជ្រោយចង្វារចាស់ ក្នុងសង្កាត់ស្រះចក ខណ្ឌដូនពេញ កាលពីវេលាទៀបភ្លឺចូលថ្ងៃទី២៤ ខែសីហា ឆ្នាំ២០២១។
នារីខាងលើមានវ័យប្រហែល ២៥ឆ្នាំ ស្ពាយកាបូប និងដៃកាន់ដបស្រា។ មុនកើតហេតុគេឃើញនារីរូបនោះ ដើរពីរង្វង់មូលកាំភ្លើងកួចកាណុង សំដៅឡើងលើស្ពានជ្រោយចង្វារ ទាំងទឹកមុខស្រពោន។ នាងបានទុកដបស្រា រួចតោងបង្កាន់ដៃស្ពានលោតចុះទៅក្នុងទឹកទន្លេ ត្រូវអ្នកនេសាទស្នាក់នៅលើទូកចេញជួយសង្គ្រោះទាន់រួច ស្រង់មកលើគោកវិញ និងរាយការណ៍ជូនសមត្ថកិច្ច។
សមត្ថកិច្ច បានចុះមកដល់ទីតាំង រួចឆែកឆេរកាបូបស្ពាយជាប់ខ្លួនរបស់ជនធ្វើអត្តឃាត ឃើញមានលុយខ្មែរលុយដុល្លារមួយចំនួនកាតចាក់វ៉ាក់សាំងដែលមានឈ្មោះ ភក្តី រស្មី មួយសន្លឹក និងសម្ភារមួយចំនួន ហើយក៏បានយកកាបូបនោះទៅរក្សាទុក ៕
