ភ្នំពេញ÷បុរសម្នាក់ស្រវឹងស្រា បើករថយន្តយ៉ាងលឿនជ្រុលទៅបុករះម៉ូតូសណ្តោងរ៉ឺម៉កដឹកទឹកកក និងរទេះលក់ទឹកអំពៅចំនួនពីរគ្រឿង ដែលឈប់នៅលើចិញ្ចើមផ្លូវ បង្កឱ្យមានអ្នករបួស។បន្ទាប់ពីមករថយន្តបានបើកគេច ត្រូវសមត្ថកិច្ចតាមចាប់បាននៅក្នុងសង្កាត់ទួលសង្កែទី២ ខណ្ឌឫស្សីកែវ កាលពីរំលងអធ្រាត្រឈានចូលថ្ងៃទី៣១ ខែកក្កដា ឆ្នាំ២០២១ ។
នៅមុនកើតហេតុ បុរសម្នាក់បើករថយន្តម៉ាកឡង់គ្រីស័រ ក្នុងស្ថានភាពស្រវឹងជោកជាំ តាមបណ្ដោយផ្លូវ៩២ មានល្បឿនលឿន។ពេលមកដល់កន្លែងកើតហេតុ រថយន្តបានរេចង្កូតទៅបុកម៉ូតូសណ្តោងរ៉ឺម៉កដឹកទឹកកក ដែលឈប់ចតនៅលើចិញ្ចើមផ្លូវ បណ្តាលឱ្យក្រឡាប់ ។
រថយន្តមិនទាន់អស់ល្បឿន បានបន្តទៅបុករទេះលក់ទឹកអំពៅមួយគ្រឿងទៀតខ្ទាតអំពៅរាយប៉ាយពេញផ្លូវ រងការខូចខាតយ៉ាងដំណំ និងមានអ្នករបួសពីរនាក់៕
