ភ្នំពេញ៖គ្រោះថ្នាក់ចរាចរណ៍៣ករណីបណ្តាលឱ្យមានមនុស្សរងរបួសធ្ងន់ស្រាលខូចខាតរថយន្តមួយគ្រឿងនិងម៉ូតូ៤គ្រឿង។
ករណីនេះកើតឡើងនៅតាមផ្លូវក្រវ៉ាត់ក្រុង ភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញកាលពីវេលាម៉ោងជាង៦ព្រឹកថ្ងៃទី ៨ខែ កក្កដា ឆ្នាំ ២០២១ ។
ដំបូងគេឃើញម៉ូតូពីរគ្រឿងបុកគ្នានៅលើផ្លូវក្រវ៉ាត់ក្រុង ស្របពេលនោះមានរថយន្តដឹកទឹកសុទ្ធបើកក្នុងល្បឿនលឿន មកដល់កន្លែងកើតហេតុជាន់ហ្វ្រាំងមិនទាន់ក៏ទាញចង្កូចគេច បណ្តាលឱ្យក្រឡាប់ធ្លាក់ប្រឡាយទឹកតែម្តង។ពេលនោះមានម៉ូតូចំនួន២គ្រឿងទៀតកំពុងបើកបរបញ្ច្រាសទិសគ្នា បានបុកគ្នាពេញទំហឹងបណ្តាលឱ្យមនុស្សពីរនាក់រងរបួសធ្ងន់និងស្រាល ម៉ូតូរង់ការខូចខាតយ៉ាងដំណំ ។
ក្រោយកើតហេតុសមត្ថកិច្ច ដោះស្រាយរវាងភាគីម៉ូតូសងទាំង។ ចំណែករថយន្តដឹកទឹកសុទ្ធដែលក្រឡាប់ចូលប្រឡាយ ដោយមិនបានប៉ះពាល់ដល់សម្បត្តិរដ្ឋសមត្ថកិច្ចសម្រេចប្រគល់ឱ្យ ក្រុមហ៊ុនស្ទូចយកទៅជួសជុលដោយខ្លួនឯង៕
