កំពង់ស្ពឺ៖គ្រោះថ្នាក់ចរាចរណ៍រវាងរថយន្តមិនស្គាល់ម៉ាកបុកជាមួយម៉ូតូបណ្តាលឱ្យមនុស្សម្នាក់ស្លាប់។ហេតុការណ៍នេះកើតឡើងនៅលើផ្លូវក្រាលកៅស៊ូត្រង់ចំណុច ភូមិតំណាក់ត្រាច ឃុំដំបូករូងស្រុកភ្នំស្រួចខេត្តកំពង់ស្ពឺ កាលពីព្រឹកថ្ងៃទី១ ខែមិថុនា ឆ្នាំ២០២០។
សមត្ថកិច្ចបានឱ្យដឹងថាមុនពេលកើតហេតុគេឃើញរថយន្តមិនស្គាល់ម៉ាកបើកបរមកពីកើតទៅលិច។លុះមកដល់ចំណុចផ្លូវកោងក៏ជ្រុលចង្កូតទៅបុកម៉ូតូម៉ាកហុងដាសេ១២៥ពណ៌ខ្មៅពាក់ស្លាកលេខតាកែវ1D9304។បើកបរដោយឈ្មោះសៀវសំណាងភេទប្រុសអាយុ៤០ឆ្នាំរស់នៅភូមិព្រៃតាមួចឃុំស្នំក្រពើស្រុកគងពិសីបញ្ច្រាសទិសគ្នាបណ្តាលឱ្យអ្នកបើកបរម៉ូតូស្លាប់។
ក្រោយពីកើតហេតុអ្នកបើករថយន្តបង្កបានបន្ថែមល្បឿនរត់គេចខ្លួនបាត់។ចំពោះម៉ូតូសមត្ថកិច្ចបានប្រគល់ជូនក្រុមគ្រួសារវិញនិងធ្វើការស្រាវជ្រាវរកអ្នកបើករថយន្តបង្កយកមកផ្តន្ទាទោសតាមច្បាប់៕
