ព្រៃវែង៖រថយន្តបែនដឹកដីមួយគ្រឿងបានបើកបុកនិងកិនក្មេងប្រុសម្នាក់បើកម៉ូតូរ៉ឺម៉កចំក្បាលខ្ទេចស្លាប់ភ្លាមនៅលើផ្លូវជាតិលេខ១១ភូមិពោធិចិន្តាំឃុំស្វាយន្ទរស្រុកស្វាយអន្ទរខេត្តព្រៃវែង កាលពីថ្ងៃទី៣០ខែមីនាឆ្នាំ២០២១។
សាក្សីបានឱ្យដឹងថា៖គ្រោះថ្នាក់ចរាចរណ៍រវាងម៉ូតូរ៉ឺម៉កនិងរថយន្តបែនដឹកដីក្នុងទិសដៅបញ្ច្រាសទិសគ្នា។ម៉ូតូរ៉ឺម៉កផ្លាកលេខព្រៃវែង1F-0048បើកបរដោយឈ្មោះវីច្រឹងអាយុ១៥ឆ្នាំភូមិជើងទឹក.ក.សង្កាត់ជើងទឹកក្រុងកំពង់លាវស្លាប់នៅកន្លែងកើតហេតុបើកបរពេលបត់ឆ្វេងចូលផ្សារ។
រថយន្តបែនដឹកដីផ្លាកលេខខេមរភូមិន្ទ013-2911បើកបុកម៉ូតូរ៉ឺម៉កបត់ឆ្វេងពីចំហៀងខាងស្តាំ ម្ចាស់រ៉ឺម៉កធ្លាក់ចូលកង់រថយន្តខាងក្រោយ រថយន្តដឹកដីបានជ្រុលទៅបុករថយន្តហីយ៉ាន់ដាយដឹកទឹកកកដែលឈប់នៅចិញ្ចើមផ្លូវទៀតអ្នកបើករថយន្តដឹកដីគេចខ្លួនបាត់៕
