ភ្នំពេញ៖កម្លាំងនគរបាលកាលពីយប់ថ្ងៃទី២៤ខែមីនា ឆ្នាំ២០២១បានចាប់ជនសង្ស័យ២នាក់ករណីជិះម៉ូតូឆក់ទូរស័ព្ទពីស្រ្តីម្នាក់កំពុងជិះម៉ូតូតាមផ្លូវលេខ ២៥៣ក្នុងសង្កាត់ទឹកល្អក់៣ខណ្ឌទួលគោក។ក្រុមជននេះបានព្យាយាមជិះម៉ូតូគេចខ្លួនទៅដល់ខណ្ឌសែនសុខក៏ជ្រុលទៅបុករថយន្តបណ្តាលឱ្យដួលត្រូវសមត្ថកិច្ចចាប់បានទាំង២នាក់។
មន្ត្រីនគរបាលបានឱ្យដឹងថា៖ជនសង្ស័យទាំង២នាក់ ឈ្មោះទន់ ប្រុសពៅអាយុ១៩ឆ្នាំជាកម្មកររោងចក្រ ស្នាក់នៅផ្ទះជួល សង្កាត់ចោមចៅ២ជាអ្នកឆក់,ឈ្មោះ មួនម៉េងអាយុ២០ឆ្នាំជាជាងជួសជុលរថយន្ត ស្នាក់នៅផ្ទះជួលខណ្ឌពោធិ៍សែនជ័យអ្នកបើកម៉ូតូ។
សមត្ថកិច្ចខណ្ឌសែនសុខបានសាកសួរក៏ប្រគល់ជនសង្ស័យទាំង២នាក់និងម៉ូតូមួយគ្រឿងឱ្យទៅសមត្ថកិច្ចខណ្ឌទួលគោក ដើម្បីសាកសួរបន្តនិងចាត់ការទៅតាមនីតិវិធី៕
