កំពង់ឆ្នាំង៖បុរសម្នាក់បានជិះម៉ូតូលឿនជ្រុលទៅបុកគោដួលបោកក្បាលស្លាប់។ ហេតុការណ៍នេះបានកើតឡើងនៅម្តុំភូមិក្រោយជី ឃុំពពេល និងភូមិថ្លុកជ្រៅ ឃុំអញ្ចាញរូង ស្រុកបរិបូរណ៍កាលពីល្ងាចថ្ងៃទី២៣ ខែមីនា ឆ្នាំ២០២១ ។
សាក្សីបានឱ្យដឹងថា៖ ជនរងគ្រោះបានជិះម៉ូតូម៉ាកហុងដាសេ១២៥ ពាក់ផ្លាកលេខភ្នំពេញ 1CV- 8044 ក្នុងល្បឿនលឿនបានបុក គោមួយក្បាលពេញទំហឹងបណ្តាលឱ្យគោដួលបាក់ជើងម្ខាង។ ចំណែកជនរងគ្រោះដួលបោកក្បាល ស្លាប់ពេលបញ្ជូនទៅដល់មន្ទីរពេទ្យ។
មកដល់ព្រឹកថ្ងៃទី២៤មីនានេះ ជនរងគ្រោះពុំស្គាល់អត្តសញ្ញាណនោះទេ ហើយសពបានតម្កល់ទុកនៅមន្ទីរពេទ្យដើម្បីរង់ចាំក្រុមគ្រួសារមកទទួលយកទៅធ្វើបុណ្យ៕
