ព្រះវិហារ៖ក្មេងប្រុស៣នាក់ក្នុងចំណោម៤នាក់បានលង់ទឹកស្រះស្លាប់ដែលពួកគេនាំគ្នាចុះលេងទឹក ពេលកំពុងឃ្វាលគោ។ហេតុការណ៍នេះបានកើតឡើងស្ថិតក្នុងភូមិស្រយ៉ង់ជើងឃុំស្រយ៉ងស្រុកគូលែន ខេត្តព្រះវិហារនោថ្ងៃទី៨ខែមីនាឆ្នាំ២០២១នេះ។
មន្ត្រីនគរបាលស្រុកគូលែន បានឱ្យដឹងថា នៅវេលាម៉ោង១២ ប៉ុស្ដិ៍នគរបាលរដ្ឋបាលស្រយ៉ង់ បានទទួលព័ត៌មានពីឈ្មោះម៉ាមវណ្ណៈភេទប្រុសរស់នៅភូមិស្រយង់ជើងឃុំស្រយង់ថាមានក្មេងលង់ទឹកនៅស្រះទឹកមួយកន្លែង ខាងត្បូងសាលាអនុវិទ្យាល័យស្រយង់ ចម្ងាយ ១០០ម៉ែត។
តាមការបំភ្លឺពីក្មេងប្រុសដែលនៅរស់ឈ្មោះ ផាត សុផានិត បានប្រាប់ថា ពួកគេទាំង៤នាក់ បាននាំគ្នាទៅមើលគោ បន្ទាប់មកក៏បាននាំគ្នាទៅលេងទឹកស្រះ។ ពេលដែលចុះលេងបានមួយភ្លែត ប្អូនរបស់គេបានលិចទៅក្នុងទឹកបន្ទាប់មកគេក៏បានយកឈើឱ្យតោងតែពួកគេបានលិចទៅក្នុងទឹកបាត់ទាំង ៣នាក់តែម្តង។ ឃើញដូច្នោះឈ្មោះ ផាត សុផានិត ក៏បានរត់មកហៅឲ្យគេទៅជួយ។
សមត្ថកិច្ចបន្តថាក្មេងរងគ្រោះដែលស្លាប់ឈ្មោះជេត ផល់ ភេទ ប្រុស អាយុ ១០ឆ្នាំសិស្ស ,ឈ្មោះ សុខ ចិត្រា អាយុ៩ឆ្នាំ សិស្ស និងទី៣៖ ឈ្មោះ ផាត ចាន់បុត្រ ភេទប្រុស អាយុ ៦ឆ្នាំសិស្សពួកគេទាំង៣ រស់នៅភូមិស្រយង់ជើងឃុំស្រយ៉ង់ស្រុកគូលេនខេត្តព្រះវិហារ៕
