(បាត់ដំបង) កាលពីថ្ងៃទី១៨ ខែសីហាឆ្នាំ២០២៣ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌលោកវរសេនីយ៍ទោ វេ គឹមចត់ អធិការនគរបាលស្រុកកំរៀងបានដឹកនាំកម្លាំងជំនាញរួមជាមួយកម្លាំងប៉ុស្តិ៍នគរបាលរដ្ឋបាលបឹងរាំងធ្វើការស្រាវជ្រាវនឹងជនសង្ស័យឈ្មោះរ៉ាហ្វា រ៉ាហ្វីន ភេទប្រុស អាយុ៣៣ឆ្នាំជនជាតិខ្មែរឥស្លាមរស់នៅភូមិដូង ឃុំបឹងរាំងស្រុកកំរៀងខេត្តបាត់ដំបងមុខរបរ មិនពិតប្រាកដ(មុខសញ្ញាចាស់ធ្លាប់ជាប់ពន្ធនាគារ០១ឆ្នាំពីបទលួច)និងដកវត្ថុតាងដកហូតរួមមានកូនបាស់ម៉ាកJBLពណ៌ប៉ារ៉ាចំនួន០១ម៉ាស៊ីនកិនទឹកក្រឡុកពណ៌សចំនួន០១ជេីងក្រានហ្គាសពណ៌ក្រហមចំនួន០១យកមកសាកសួរនៅអធិការដ្ឋាននគរបាលស្រុកកំរៀង។
សូមជម្រាបជូនថា មូលហេតុនៃការឃាត់ខ្លួននេះគឺកាលពីថ្ងៃទី១៥ខែសីហាឆ្នាំ២០២៣វេលាម៉ោង ០០និង៣០នាទីរំលងអធ្រាត្រឈានចូលថ្ងៃទី១៧ខែសីហាឆ្នាំ២០២៣ នៅចំណុចតូបលក់អីវ៉ាន់ក្រុមទី១៦ ភូមិដូង ឃុំបឹងរាំងស្រុកកំរៀងខេត្តបាត់ដំបងមានករណី លួចកើតឡើងដោយជនសង្ស័យមិនស្គាល់អត្តសញ្ញាណបានធ្វើសកម្មភាព លួចយកម៉ាស៊ីនកិនទឹកក្រឡុកចំនួន០១កូនបាស់ម៉ាកJBLចំនួន០១ជេីងក្រានហ្គាសចំនួន ០១កាមេរ៉ាសុវត្ថិភាពចំនួន០១និងគ្រឿងកំប៉ុងមួយចំនួនរបស់ជនរងគ្រោះ ឈ្មោះឡៃ វណ្ណភេទប្រុសអាយុ៣៥ឆ្នាំរស់នៅភូមិដូង ឃុំបឹងរាំង ស្រុកកំរៀងខេត្តបាត់ដំបងមុខរបរ លក់ដូរ។
ក្រោយពេលបាត់ជនរងគ្រោះបានប្តឹងមកសមត្ថកិច្ចនគរបាលហេីយពេលទទួលបណ្ដឹងពីជនរងគ្រោះរួចមកសមត្ថកិច្ចបានធ្វេីការស្រាវជ្រាវរហូតកំណត់មុខសញ្ញាបាននិងឃាត់ខ្លួនតែម្តង។
ពេលនេះនគរបាលស្រុកបានកសាងសំណុំរឿងដើម្បីបញ្ជូនមកការិយាល័យជំនាញចាត់ការតាមនីតិវិធី ច្បាប់ រីឯសម្ភារៈបានប្រគល់ជូនជនរងគ្រោះវិញ៕(រូបភាពនគរបាលស្រុកកំរៀង)By kosal!
