បាត់ដំដង៖ នៅថ្ងៃ ចន្ទ៥កេីតខែមិគសិរឆ្នាំខាលចត្វាស័កព.ស.២៥៦៦ ត្រូវនឹងថ្ងៃទី ២៨ខែវិច្ឆិកាឆ្នាំ២០២២វេលាម៉ោ ង ៨និង៤៥នាទីនៅចំណុចក្រុមទី២ ភូមិឆ្នាល់មាន់ឃុំឆ្នាល់មាន់ ស្រុក គាស់ក្រឡ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀនលោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានដឹកនាំកម្លាំជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកអនុវត្តដីកាបង្គាប់ឱ្យចាប់ខ្លួនលេខ៦២៨ ត.ព្រ ចុះថ្ងៃទី២០ ខែតុលាឆ្នាំ២០២២ របស់លោក ឃី ឆៃ ចៅក្រមស៊ើបសួរនៃសាលាដំបូងខរត្តបាត់ដំបង ០១ករណី ដោយបង្គាប់ឱ្យចាប់ខ្លួនជនត្រូវចោទឈ្មោះម៉េត ថុល ភេទប្រុស អាយុ៣៨ឆ្នាំ មានទីលំនៅភូមិឬស្សីព្រះ ឃុំឆ្នាល់មាន់ ស្រុកគាស់ក្រឡ ខេត្តបាត់ដំបងជាប់ចោទពីបទរក្សាទុកដោយខុសច្បាប់នូវសារធាតុញៀន ប្រព្រឹត្តនៅចំណុចផ្លូវកៅស៊ូ ស្ថិតក្នុងភូមិរ៉ា ឃុំធិបតី ស្រុកគាស់ក្រឡ ខេត្តបាត់ដំបងកាលពីថ្ងៃទី១១ខែកក្កដាឆ្នាំ២០២២។
នៅពេលនេះសមត្ថកិច្ចនគរបាលស្រុករៀបចំសំណុំរឿងបញ្ជូនមកផែនជំនាញអនុវត្តបន្តតាមនីតិវិធី៕
