ខេត្តព្រះសីហនុ៖ក្រសួងទេសចរណ៍និងអាជ្ញាធរខេត្តព្រះសីហនុបានចុះជួបពន្យល់និងដាក់ចេញវិធានការមួយចំនួនឱ្យបងប្អូនអាជីវករលក់ដូរ។ជាពិសេសអាហារដ្ឋាននៅឆ្នេរអូរឈើទាលចូលរួមបង្កើនការប្រុងប្រយ័ត្នជួយបង្ការជំងឺកូវីដ១៩ស្របពេលដែលមានអ្នកទេសចរណ៍ជាតិនិងអន្តរជាតិកំពុងហូរចូលមកកន្សាន្តនិងស្នាក់នៅខេត្តព្រះសីហនុកើនឡើង។
មន្ត្រីមន្ទីរទេសចរណ៍ខេត្តព្រះសីហនុម្នាក់បានប្រាប់ថាវិធានការរួមមានការរៀបចំតុកៅអីសម្រាប់ភ្ញៀវពិសារអាហារត្រូវមានគម្លាតគ្នាកុំដាក់កៅអីអង្គុយច្រើនក្បែរគ្នា,ការដាក់អាកុលនិងសាប៊ូលាងដៃក៏ដូចជាការរក្សាអនាម័យជាប្រចាំផងដែរ ។
ទោះជាយ៉ាងនេះក្តីអាជ្ញាធរខេត្តព្រះសីហនុនូវតែអំពាវនាវយ៉ាងទទូចដល់បងប្អូនពលរដ្ឋកម្ពុជាមេត្តារក្សាអនាមយ័តាមការណែនាំរបស់ក្រសួងសុខាភិបាលឱ្យនានខ្ជាប់ខ្ជួនដើម្បីជៀសឱ្យផុតពីជំងឺកូវីដ១៩ព្រោះយើងដឹងហើយថានៅលើពិភពលោកមានចំនួនអ្នកស្លាប់ច្រើនណាស់៕
