បន្ទាយមានជ័យ៖គ្រោះថ្នាក់ចរាចរណ៍២ករណីផ្សេងគ្នានៅខេត្តបន្ទាយមានជ័យបង្កឱ្យមានអ្នកស្លាប់២នាក់និង២នាក់ទៀតរងរបួសធ្ងន់។ករណីទី១កើតឡើងចុងខែវិច្ឆិកាឆ្នាំ២០២០ត្រង់ស្ពានទី៣ស្ថិតនៅភូមិតាវងឃុំពន្លៃស្រុកភ្នំស្រុកខេត្តបន្ទាយមានជ័យ។ករណីនេះមានការសង្ស័យអ្នកបើកបរម៉ូតូ,ស្ថិតក្នុងស្ថានភាពស្រវឹងបើកម៉ូតូនិងប្រើប្រាស់ល្បឿនលឿន ។
ករណីទី១នេះជនរងគ្រោះមានឈ្មោះអើយគ្រីតភេទប្រុសអាយុ១៩ឆ្នាំរស់នៅភូមិតាដួលឃុំផ្គាំស្រុកស្វាយចេករងរបួសធ្ងន់ជាអ្នកបើកបរម៉ូតូម៉ាកអ៊ិចស៊ីទ័រអត់ផ្លាកលេខ។ចំណែកអ្នករួមដំណើរឈ្មោះសែហេតភេទប្រុសអាយុ២៨ឆ្នាំស្លាប់។
ករណីទី២កើតឡើងថ្ងៃទី១ខែធ្នូឆ្នាំ២០២០នៅលើកំណាត់ផ្លូវជាតិលេខ៥ចំណុចភូមិរ៉ាចំការចេកឃុំអូរប្រាសាទស្រុកមង្គលបូរីខេត្តបន្ទាយមានជ័យរវាងម៉ូតូនិងរថយន្តធ្វើផ្លូវបណ្តាលឱ្យស្លាប់ជនរងគ្រោះឈ្មោះយិមវៃភេទប្រុសអាយុ៤០ឆ្នាំនៅភូមិក្រពើត្បូងឃុំភ្នំសំពៅស្រុករតនៈមណ្ឌលខេត្តបាត់ដំបង៕សហការី