បន្ទាយមានជ័យ: នៅព្រឹកថ្ងៃទី២៨ខែតុលាឆ្នាំ២០២៣នេះ លោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានចាត់តាំង លោកឧត្ដមសេនីយ៍ត្រី ប៊ុន ផេង ស្នងការរងផែនការងារអគ្គីភ័យនិងគ្រឿងផ្ទុះនិងឧត្តមសេនីយ៍ត្រី សម្បត្តិ កុសល ស្នងការរង ដឹកនាំកម្លាំងនគរបាលចំនួន៥៣នាក់ ចូលរួមសម្អាតបរិស្ថានតាមដងស្ទឹងសិរីសោភ័ណ ស្ថិតនៅសង្កាត់ព្រះពន្លា ក្រុងសិរីសោភ័ណ។
ពិធីនេះមានការចូលរួមពី លោក លោកស្រី មន្ត្រីរាជការ កម្លាំងនគរបាល កំម្លាំងកងរាជអាវុធហត្ថ កម្លាំងយោធា អាជ្ញាធរមូលដ្ឋាន សសិស្សសាលា ក្រុមការងារអភិវឌ្ឍយុវជនខេត្តបន្ទាយមានជ័យ យុវជនកាយរឹទ្ធិ យុវជនកាកបាទក្រហមកម្ពុជា ស.ស.យ.ក សរុបប្រមាណ១០០០នាក់។
ការសម្អាតបរិស្ថានតាមដងស្ទឹងសិរីសោភ័ណ គឺធ្វើឡើងគោលបំណង កំណត់យកទីតាំងសម្រាប់អបអរសាទរព្រះរាជពិធីបុណ្យអុំទូក បណ្ដែតប្រទីប អកអំបុក សំពះព្រះខែនាពេលខាងមុខ៕