(បាត់ដំបង) នៅថ្ងៃសុក្រ១៣កេីតខែមាឃឆ្នាំខា លចត្វាស័កព.ស.២៥៦៦ ត្រូវនឹង ថ្ងៃទី ០៣ខែគុម្ភៈ ឆ្នាំ ២០២៣វេលាម៉ោង ១៣និង៤៥នាទី នៅចំណុចអង្កាំផ្អែម ស្ថិតនៅភូមិទួលខ្វាវ ឃុំបារាំងធ្លាក់ស្រុកភ្នំព្រឹក ខេត្តបាត់ដំបង អនុវត្តតាមអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានដឹកនាំកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកចុះប្រតិបត្តិការ បង្រ្កាបករណីរក្សាទុកដោយខុសច្បាប់នូវសារធាតុញៀន ចំនួន០១ករណីក្នុងបទល្មេីសជាក់ស្តែងដែលក្នុងកិច្ចប្រតិបត្តិការនេះបានចាប់ឃាត់ខ្លួន ជនសង្ស័យចំនួន ០២នាក់ឈ្មោះ ទឹម សន ភេទប្រុស អាយុ៦១ឆ្នាំ មានទីលំនៅភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង និងឈ្មោះ សុឹម អន ភេទប្រុស អាយុ ៣៦ឆ្នាំមានទីលំនៅភូមិទួលខ្វាវ ឃុំបារាំងធ្លាក់ស្រុកភ្នំព្រឹកខេត្តបាត់ដំបង ។
-វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ផ្លាក់ស្ទិចពណ៌សកឹបមាត់ចំនួន០៧ថង់សង្ស័យជាសារធាតុញៀន។
-ម្សៅក្រាមពណ៌សថ្លាច្រកក្នុងបំពង់ទុយោរោលភ្លើងផ្សាផ្ជិតមាត់ចំនួន១៩កំណាត់សង្ស័យជាសារធាតុញៀន។
-ជញ្ជីងសម្រាប់ថ្លឹងគ្រឿងញៀនចំនួន០១គ្រឿង។
-សម្ភារៈសម្រាប់ប្រើប្រាស់និងវេចខ្ចប់ គ្រឿងញៀនមួយចំនួន។
ជនសង្ស័យនិងវត្ថុតាំងខាងលើសមត្ថកិច្ចកំពុងកសាងសំណុំរឿងបញ្ជូនមកផែនជំនាញចាត់ការបន្តតាមនីតិវិធីច្បាប់ ៕(រូបភាពនគរបាលស្រុកភ្នំព្រឹក)By kosal!
