ភ្នំពេញ៖ក្រុមចោរបានឆក់កាបូបពីស្ត្រីម្នាក់អង្គុយលក់នំជាប់របងសាលាចតុមុខមានទាំងលុយចំនួន៨លានរៀលមាស២តំឡឹងនិងទូរសព្ទមួយគ្រឿងរួចជិះម៉ូតូគេចខ្លួនបាត់អស់។
ករណីនេះបានកើតឡើងនៅជាប់របងសាលាចតុមុខជិតអធិការដ្ឋាននគរបាលខណ្ឌដូនពេញកាលពីរំលងអធ្រាត្រចូលថ្ងៃទី២៩ ខែវិច្ឆិកា។ស្ត្រីម្ចាស់កាបូបបានប្រាប់សមត្ថកិច្ចថា ដំបូងគាត់កំពុងអង្គុយលក់នំស្រាប់តែមានជនសង្ស័យមួយក្រុមបានជិះម៉ូតូមកធ្វើជាទិញនំរបស់គាត់។
ស្ត្រីរូបនោះបានបន្តថា ពេលគាត់កំពុងតែធ្វើនំពពៀរពួកវាឃើញកាបូបលុយក៏ឆក់រត់ឡើងម៉ូតូហើយជិះគេចខ្លួនបាត់តែម្តង។ក្នុងកាបូបនោះម្ចាស់បានបញ្ជាក់ថា មានលុយចំនួន៨លានរៀល-ខ្សែកមាស២តំឡឹងនិងទូរសព្ទ១គ្រឿង។បន្ទាប់ពីមានករណីខាងលើកម្លាំងអាវុធហត្ថបាននាំជនរងគ្រោះទៅដាក់ពាក្យបណ្ដឹងដើម្បីស្រាវជ្រាវតាមចាប់ក្រុមចោរនិងបក្ខពួកយកមកអនុត្តតាមច្បាប់៕
