ភ្នំពេញ៖កម្លាំងសមត្ថកិច្ចខណ្ឌឬស្សីកែវបានឃាត់ខ្លួនជនសង្ស័យចំនួន០៤នាក់ករណីលួចមានស្ថានទម្ងន់ទោស ដោយសារប្រព្រឹត្តអំពើហិង្សាឆក់(ទូរសព្ទ) ត្រង់ចំណុចផ្លូវលេខ១០៥ ក្រុមទី៣ ភូមិបាក់ទូក សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ កាលពីថ្ងៃទី ២៦ ខែតុលាឆ្នាំ ២០២២ វេលាម៉ោង១៥:០០នាទី។ ក្រុមចោរបើកម៉ូតូឆក់យកទូរសព្ទបានសម្រេចប៉ងរត់គេចខ្លួនត្រូវផាស្អេបបើកកៀរម៉ូតូជនសង្ស័យឱ្យដួលហើយចាប់បាន០២នាក់ ចំណោមច្រើននាក់និងត្រៀមបញ្ជូនទៅតុលាការ។
ហេតុការណ៍នេះបានកើតឡើងនៅសង្កាត់ទួលសង្កែ១ ខណ្ឌឫស្សីកែវ កាលពីល្ងាចថ្ងៃទី ២៦ខែតុលា។មន្ត្រីនគរបាលបានឱ្យដឹងថា ស្ត្រីរងគ្រោះឈ្មោះ HWA JEONG អាយុ៤០ឆាំ្នជនជាតិកូរ៉េសា្នក់នៅខុនដូកាំកូស៊ីធី សង្កាត់ទួលសងែ្ក២ ខណ្ឌឬស្សីកែវ។
ជនសង្ស័យចាប់បានឈ្មោះ លីអាល់រីហ្វីន អាយុ១៨ឆ្នាំស្នាក់នៅភូមិ២ សង្កាត់ច្រាំងចំរេះ១ខណ្ឌឫស្សីកែវនិងឈ្មោះ ម៉ានហាហ្វីស៊ីន អាយុ២៣ឆាំ្ននៅ ភូមិបឹងឈូក សងា្កត់គីឡូម៉ែត្រលេខ៦ ខណ្ឌឫស្សីកែវ។សម្ភារដកហូតទូរសព្ទម៉ាក IPhone 13 ជារបស់ជនរងគ្រោះបានប្រគល់ឱ្យម្ចាស់វិញ។ម៉ូតូជនសង្ស័យ២គ្រឿងម៉ាកហុងដាSCOOPY ផ្លាកលេខភ្នំពេញ 1IL.7474 និងម៉ាកហុងដាSCOOPYផ្លាកលេខភ្នំពេញ1JN-0994។
ដោយបក្សពួកជនសង្ស័យធ្វើសកម្មភាពមានគ្នា០៤នាក់ ឃាត់ខ្លួន០២នាក់ ខាងលើនិង០២នាក់ទៀតគេចខ្លួនក្រោយពេលកើតហេតុភ្លាមៗ លោកវីរៈសេនីយ៍ឯក ហ៊ាង ថារ៉េត អធិការនគរបាលខណ្ឌសរសេកែវ បានបញ្ជាដឹកនាំកម្លាំងផ្នែកជំនាញនគរបាលយុត្តិធម៌ បន្តប្រតិបត្តិការស្រាវជ្រាវរហូតឃាត់ខ្លួនជនសង្ស័យដែលរត់គេចខ្លួនទាំង០២នាក់បាន ត្រង់ចំផ្លូវជាតិលេខ ៥ ក្រុមទី ១៤ ភូមិផ្សារតូច សង្កាត់ទូលសង្កែទី១ខណ្ឌឬស្សីកែវរាជធានីភ្នំពេញ នៅថ្ងៃទី ២៧ ខែតុលាឆ្នាំ ២០២២ វេលាម៉ោង២៣:០០នាទី ។ បច្ចុប្បន្នជូនសង្ស័យទាំង០៤នាក់ និងវត្ថុតាមដកហូតខាងលើ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់៕
