កំពង់ឆ្នាំង៖បុរសម្នាក់បានស្លាប់ពេលដែលបញ្ជូនទៅដល់មន្ទីរពេទ្យ ក្រោយពេលដែលជនរងគ្រោះរូបនេះបានយកឈើទៅអារនិងរណាយន្ត ។ ហេតុការណ៍ភ្ញាក់ផ្អើលនេះបានកើតឡើងកាលពីថ្ងៃទី២៧ ខែសីហា ឆ្នាំ២០២០ នៅភូមិត្រពាំងតាសុខ ឃុំព្រៃមូល ស្រុករលាប្អៀរ ខេត្តកំពង់ឆ្នាំង។
សមត្ថកិច្ចបានឱ្យដឹងថា ជនរងគ្រោះមានឈ្ឈ្មោះអ៊ុន ចាន់សុភ័ស្ស ភេទប្រុស អាយុ៣៦ឆ្នាំ រស់នៅភូមិឃុំកើតហេតុខាងលើ ។សមត្ថកិច្ចបានឱ្យដឹងទៀតថា នៅមុនពេលកើតហេតុជនរងគ្រោះ បានយកឈើមួយដុំ ទៅដាក់អារលើតុអារ ដែលអារដោយម៉ាស៊ីន ពេលកំពុងតែអារ ក៏ដាច់ចំរៀកឈើមួយចំណែកបុកចូលទៅបំពង់ករបណ្តាលឱ្យជនរងគ្រោះរងរបួសឈាមពេញខ្លួន។ ក្រោយពេលកើតហេតុជនរងគ្រោះត្រូវបានក្រុមគ្រួសារ បញ្ជូនមកសង្គ្រោះបន្ទាន់នៅមន្ទីពេទ្យខេត្ត តែដោយសារស្ថានភាពធ្ងន់ធ្ងរបណ្តាលឱ្យជនរងគ្រោះស្លាប់តែម្តង៕
